Vorum að endavið að halda námskeið með Julio Borba, en hann er frá Portogal og hefur verið að kenna okkur um nokkura ára skeið. Eins og vanalega var hann með tvo hópa og í hverjum hóp eru átta manns og fær hver og einn klukkutíma kennslu á dag en mega svo fylgjast með þegar verið er að kenna hinum. Vegna pestarinnar höfum víð þurft að afbóka nokkur námskeið þannig að nú var gott að komast í gang aftur. Í þetta sinn tókum við okkur nokkur saman og vildum fá innsýn í það hverning hann frumtemur og var það bæði fróðlegt og gaman. Við þóttumst nú vera búin að undirbúa hestanna vel og vorum það líka samsvæmt okkar mælikvarða en það var nú aldeilis ekki í hans augum. Unnið var með hestanna í taumhring og var allt sem hann gerði þaulhugsað og hnitmiðað. Komst maður að því að margt sem við höfum lært í þessu hefur villandi og takmarkað notkunnargildi. Að venju var hann mjög beittur og það var ekkert sem engu máli skipti eða var látið liggja á milli hluta. Meira að segja var tekinn töluverðan tíma í það hverning ætti að nota piskinn, hvar hann á að vera þegar hann er ekki notaður, hvað hver staða pisksins þýðir og svo sýndi hann okkur hverning hann var látin æfa sig. Eftirá fóru menn að æfa sig með misjafnan árangur mörgum til mikillar skemmtunnar. Bara svo að þið vitið,þá verður maður að geta hvatt ytri hlið hestsins og auðvitað fyrir aftan. Bara eitt i lokin, snúrumúlarnir fara á áramótabrennuna og hringgerðið í Hringrás með fyrstu ferð ( :
