Manni verður mikið úr verki þegar dagur er tekinn snemma.

{gallery}EarlyMorningWork7march2017{/gallery}

Olil var með námskeið hjá Ylva Hagander, Fors gård. Þangað mætti m.a Tígur frá Ketilsstöðum, Mr Butt, sem við erum nýbúin að selja til Svíþjóðar, eigandi er Cecilia Göransson. Móðir Tígurs er Ljónslöpp frá Ketilsstöðum og faðir er Álffinnur frá Syðri Gegnishólum.:

)Við Ylva skemmtum okkur konunglega.:)

{gallery}TigurNamskeidMars2017{/gallery}

Þegar við vorum að þjálfa í dag, tókum við allt í einu eftir því að rúmlega helmingur hrossanna í höllinni voru frá Hellubæ og að Vaka sá mikli gæðingur er móðir þeirra allra. Það var auðvitað ekkert hægt annað en að mynda þau. Lengst til vinstri er Váli á sjötta vetur undan Kiljan frá Steinnesi, svo Vinátta á fimmta, undan Ljóna frá Ketilsstöðum og sú yngsta er nn. á fjórða,undan Brimni frá Ketilsstöðum. Vaka var botnlaus gæðingur og er að ég best veit með hæsta hæfileikadóm sem 4ra vetra klárhryssa hefur fengið, samtals 8,48 þ.a 9,5 fyrir brokk, stökk og hægt stökk og 9,0 fyrir tölt, fegurð í reið og vilja. Vaka er undan Golu Gáskadóttir frá Hellubæ og Feyki frá Hafsteinsstöðum. Fjögur afkvæmi Vöku hafa hlotið 1. verðlaun. Við erum svo ljónheppin að eiga eina úrvals klárhryssu undan henni hér í okkar ræktun og er hún, Védís, m.a með 9,5 fyrir hægt stökk eins og móðir sín og bróðir, Vestri frá Hellubæ. Verðmætur eginleiki í dag þegar erfitt er að finna hesta með gott stökk.

{gallery}VakasOffsprings27Feb2017{/gallery}

Tvö ár eru liðin siðan þessi auglysing frá okkur af Bergi og Kötlu var sett á vegginn í Sprettshöllinni. Þau unnu Gæðingafimi Meistaradeildarinnar með yfirburðum í kvöld á sama stað. 

{gallery}MDFimi23Feb2017{/gallery}

Fyrsta vetrarmót Sleipnis var haldið í gær og i opnum flokki sigraði Brynja á Goða frá Ketilsstöðum 7 vetra, hann er undan Væntingu frá Ketilsstöðum og Álffinni frá Syðri Gegnishólum. Freyja var í þriðja sæti á Bylgju frá Ketilsstöðum 11 vetra, en hún er undan Vakningu frá Ketilsstöðum og Álfasteini frá Selfossi.

{gallery}Wintergames111Feb2017{/gallery}

Hér eru nokkrar myndir sem teknar voru síðastliðið fimmtudagskvöld í fyrstu keppni Meistaradeildarinnar á þessu ári. Fyrsta keppnisgreinin var 4 gangur og var útkoman frábær fyrir okkar lið, Elin og Frami voru í fyrsta sæti, Bergur og Katla í öðru sæti og nýliðinn okkar hún Freyja á Álfastjörnu hafnaði í fimmta sæti.
Við fengum að auki liðaplattann sem gefinn er liðinu með besta árangurinn í 4 gangi.

{gallery}Meistaradeidlin 9.feb.2017{/gallery}

Þessi ungi og mjög svo efnilegi stóðhestur er seldur og farinn úr landi. Hann er nú staðsettur hjá nýjum eigendum sínum Söndru og Roger Scherrer á Reithof Neckertal í Swiss. Hann fór í 1. verðlaun aðeins 4 vetra gamall og í vor, þá 5 vetra, hlaut hann hæst 8,38.
Móðir hanns er Vænting frá Ketilsstöðum og faðir er Álfur frá Selfossi. Við vonum að hann reynist eins vel og hann lofar.

Við óskum Söndru of stefni alls hins besta í framtíðinni.

{gallery}Stefnir 19. januar 2017{/gallery}

Þetta er Gormur frá Selfossi, hann er á 17. vetur, staðsettur á Gotlandi í Svíþjóð. Þjálfari hans og eigandi er Sara Lundberg sem hefur unnið hjá okkur í nokkur ár. Gormur er fyrsta Sveins-Hervars afkvæmið sem við ræktuðum en það gerðum við áður en hann fór í 1 verðlaun. Gormur hlaut 8,22 í kynbótadómi 6 vetra gamall, sýndur sem geldingur og 8 vetra gamall var hann í úrslitum í B flokki á Landsmóti. Siðan hefur Sveinn Hervar gefið okkur marga frábæra klárhesta eins og Framtíð, Spes, Frama, Fálmar og albróðir Gorms, Gram. Enn erum við að halda undir þennan frábæra hest og næsta sumar eigum við von á tveimur afkvæmum hans, undan systurnar Álfadísi og Aðaldísi.

{gallery}Gormur from Selfoss{/gallery}

Var að taka til í myndum í dag og rakst á þessar skemmtilegu gömlu myndir.

Þær voru teknar á Landsmótinu 1990 á Vindheimamelum þar sem við Bergur riðum okkur inn í úrslit í A flokki á nákvæmlega sömu einkunninni,  8,70. I úrslitunum höfðu Bergur og Hugmynd frá Ketilsstöðum betur og enduðu í sjötta sæti, en við Sörli frá Skjólbrekku urðum í því sjöunda. 26 ár eru liðin síðan þá. 

{gallery}Gamlar myndir 5.des 2016{/gallery}

Huldumær frá Syðri Gegnishólum er fjórða hæst dæmda 4. vetra hryssa landsins 2016.

Fyrir sköpulag fékk hún 8,01 og hæfileika 8,48 þ.a. 9,0 fyrir tölt, fegurð í reið og vílji og 9,5 fyrir fet. Aðaleinkunn var 8,29.

Móðir er Álfadís frá Selfossi og faðir Sær frá Bakkakoti.
Við eigum von á folaldi undan Huldumær og Frama frá Ketilsstöðum á þessu ári en svo er planið að taka hana aftur inn til frekarri þjálfunnar.

{gallery}Huldumaer 10.jan 2017{/gallery}

Á alþjóðlegri hestasýningu í Svíþjóð, sterkri keppni þar sem fjór- og fimm gangarar kepptu saman, enduðum við Álffinnur í öðru sæti og valin sem besta fimmgangs parið. Einn dómarinn var með okkur í 1. sæti og hæsta einkunnin okkar var 9,0 fyrir skeið. Kærar þakkir fyrir að hafa verið boðið að ríða fyrir Íslands hönd, þetta var hrikalega gaman og frábær endir á keppnisárinu 2016, Ketilsstaðir / Syðri Gegnishólar.

 {gallery}Sweden international horse show- novermber 2016{/gallery}

Á þessu ári komu 18 hross frá okkar ræktun til dóms, öll þeirra utan eins hlutu fyrstu verðlaun. Nákvæmlega helmingur hrossana, níu stykki eru klárhross, með 5,0 fyrir skeið . Til gamans má geta að níu þessarra 18 hrossa eru undan bæði hryssum og hestum ræktuðum af okkur.

16 þeirra voru sýnd á Íslandi og 2 í Þýskalandi. Af hrossum sýndum á Íslandi unnu 9 sér inn þátttökurétt á Landsmótinu en 7 þeirra voru endursýnd þar.
Þessi sjö hross voru endursýnd á Landsmótinu og náðu fjögur þeirra að vera meðal 10 efstu. Álfarinn hlaut 8,63 og varð í sjöunda sæti í flokki 7 vetra og eldri stóðhesta, Álfastjarna 8,43 í áttunda sæti í 6 vera flokki hryssna, Álfgrímur með 8,46 í sjötta sæti í flokki fimm vetra stóðhesta og Huldumær 8,29 í fjórða sæti í flokki 4 vetra hryssna.
Víð sýndum fjórar fjögurra vetra hryssur á árinu og allar hlutu þær 1.verðlaun sem okkur finnst frekar flottur árangur.
Einnig finnst okkur vel við hæfi að minnast á einstakan árangur Álfadísar frá Selfossi sem náði þeim afrekum að eiga afkvæmi í öllum fjórum aldursflokkum kynbótahrossa á Landsmótinu. Þau voru öll í topp tíu í sínum flokkum og tvö þeirra eru klárhross. Auk þess var sonur hennar Álffinnur frá Syðri-Gegnishólum sýndur til 1.verðlauna fyrir afkvæmi á Landsmótinu og hlaut hann annað sætið.
Annað sem var mjög sérstakt er að 24% kynbótahrossanna á Landsmótinu áttu ættir sínar að rekja til hennar sem líklega er einsdæmi og þætti líklega mikið þó um stóðhest væri að ræða. En einungis sextán ár eru liðin frá því að hún var sjálf stjarna á Landsmótinu í Reykjavík 2000, fjögurra vetra gömul.
Sonur hennar Álfarinn frá Syðri-Gegnishólum sem er okkar hæst dæmda hross í ár fór vel af stað sem kynbótahestur, þar sem hans elsta og eina afkvæmi fætt 2012, Lygna hlaut 8,02 í aðaleinkunn.
Meðaleinkunn 18 hrossa fyrir sköpulag er 8,21. Fyrir hæfileika er 8,30 og aðaleinkunn 8,27. Meðalaldur þeirra eru 5,5 ár. 17 af 18 hrossum yfir átta, sem þýðir að við erum með 94,4% hrossa í fyrstu verðlaun.

Hrossin sem sýnd voru á þessu ári eru:

Álfarinn frá Syðri Gegnishólum 7 vetra 8,65
Katla frá Ketilsstöðum 8 vetra 8,52
Stúdent frá Ketilsstöðum 6 vetra 8,47
Álfgrímur frá Syðri Gegnishólum 5 vetra 8,46
Álfastjarna frá Syðri Gegnishólum 6 vetra 8,43
Fákur frá Ketilsstöðum 6 vetra 8,41
Stefnir frá Ketilsstöðum 5 vetra 8,38
Huldumær frá Syðri Gegnishólum 4 vetra 8,29
Tígur frá Ketilsstöðum 6 vetra 8,23
Goði frá Ketilsstöðum 6 vetra 8,23
Glampi frá Ketilsstöðum 5 vetra 8,22
Pegasus frá Ketilsstöðum 7 vetra 8,15
Meginn frá Ketilsstöðum 5 vetra 8,11
Framsýn frá Ketilsstöðum 4 vetra 8,10
Spurning frá Syðri Gegnishólum 4 vetra 8,08
Tesla frá Ketilsstöðum 6 vetra 8,04
Lygna frá Syðri Gegnishólum 4 vetra 8,02
Heillastjarna frá Syðri Gegnishólum 5 vetra 7,98

{gallery}Breeding evaluation 2016{/gallery}

Á þessu ári náðist það markmið sem við settum okkur þegar afkvæmi Álffinns staðfestu von og trú okkar um hversu fljót til, öflug og efnileg þau eru. Markmiðið var að sýna 15 afkvæmi hans til fullnaðardóms í kynbótadómi og ná með því tilsettum lágmörkum til 1. verðlauna fyrir afkvæmi, en Álffinnur er aðeins 8 vetra gamall.
15 afkvæmi eru sýnd, tvö í fyrra og þrettán ný í ár. Þar af er ein hryssa, Vinátta frá Hellubæ, sem fór í 1. verðlaun í fyrra 4 vetra með 8,04, var endursýnd í ár, 5 vetra gömul og hlaut í aðaleinkunn 8,29. Ég er ekki viss um það hvor dómurinn telst gildur í útreikningum, hvor telst hærri í kynbótamatinu, en í okkar útreikningum tökum við mið af 5 vetra dómnum hennar. Þannig að samkvæmt okkar útreikningum er gildandi einn dómur síðan í fyrra en það var 4 vetra klárhesturinn Goði frá Ketilsstöðum sem hlaut í aðaleinkunn 8,08, fyrir sköpulag 8,02, hæfileika 8,12 þ.a. 9,0 fyrir tölt og vilja.

14 dómar frá því í ár, ss. eitt hross endusýnt og 13 nýjir dómar frá því í ár. Þrjú hross hafa verið endursýnd á árínu, fyrst Stúdent frá Ketilsstöðum 5 vetra, sem var sýndur á aukasýningu í Spretti með einkuninna 8,36 og svo aftur á FM á Stekkhólma þar sem hann hlaut aftur 8,36 og sigraði 5 vetra flokkinn og var hæst dæmdi stóðhestur mótsins. Hin tvo hrossin sem voru endursýnd á þessu ári voru Bjóla frá Ketilsstöðum, 4 vetra, en hún byrjaði með 7,91 og og hækkaði í 7,99 og Ari frá Efri-Gegnishólum ,5 vetra, en hann var sýndur sem klárhestur í Spretti og endaði i 7,82 eftir frekar misheppnaða sýningu en síðan var hann þjálfaður áfrám, skeiðið var sótt og endaði í 8,18 þar sem hlutirnir gengu eins og við var búist.

Af þessum 15 hæstu sýningum afkvæmanna eru gildandi sjö 5 vetra sýningar og átta 4 vetra sýningar, en níu afkvæmanna hafa verið sýnd með góðum árangri fjögurra vetra gömul, það lægsta með 7,82 en það er Ásbrá frá Ketilsstöðum sem var sýnd sem klárhryssa í þetta sinn, með 9,0 fyrir hægt tölt og 8,5 fyrir tölt, vilja og fegurð.

Fjögur voru sýnd sem klárhross, fimm rétt hreyfðu einkunn á skeiði frá 5,5 til 6,5 og sex hlutu einkunn á skeiði frá 7,5 til 8,5.

Meðaleinkunn 15 sýndra afkvæma fyrir sköpulag er  8,13

                                                               Fyrir hæfileika      8,01

Og samtals aðaleinkunn fyrir 15 sýnd afkvæmi er      8,06

Hryssurnar sem eru mæður afkvæmanna eru allt frá heiðursverðlauna hryssum í lágt dæmdar og ósýndar hryssur sem hafa lítið sem ekkert gefið af sér, ss. þverskurður af íslenskum ræktunarhryssum. Okkar lýsing á afkvæmum Álffinns í megindráttum er að þau eru jákvæð, öflug og með góðan fótaburð. Viljinn hefur verið framúrskarandi, kjörkuð, orkumikil og spennulaus. 

Álffinnur er sonur heiðursverðlauna hrossanna Orra frá Þúfu og Álfadísar frá Selfossi, annar í röð fjögurra alsystkina sem öll hafa hlotið úrvalsdóma fjögurra vetra gömul. þ.e. 1. verðlaun. Það er Álfur frá Selfossi, 4 vetra 8,26, fyrsti dómur ( 8,06) Álffinnur frá Syðri Gegnishólum 4 vetra 8,24 ( fyrsti dómur 8,04) Álfhildur frá Syðri Gegnishólum 4 vetra 8,14 (fyrsti dómur 7,98) og Álfgrímur 8,11, en hann var bara sýndur einu sinni á þessu ári þar sem ekkert Landsmót var í ár.

Visst má telja að endanlega er búið að sýna elstu þrjú alsystkinin en þeirra hæsti dómur er Álfur 8,46, Álffinnur 8,37, Álfhildur 8,52, Álfgrímur stendur í 8,11 fjögurra vetra gamall og markmiðið er auðvitað að hann komi fram aftur í dóm á næstu ári.

Elsta alsystkinið, Álfur frá Selfossi hlaut 1.verðlaun fyrir afkvæmi 9 vetra gamall og og heiðursverðlaun 10 vetra, þannig að þessi góða útkoma Álffinns er engan veginn að koma okkur á óvart, hann er bara búinn að standa undir væntingum okkar. Væntingarnar byggjast á því að hér er orðið svo mikið öryggi í ættlínum hestsins.

Eitt af okkar markmiðum í ræktun er að rækta hross sem byrja ofar í stiganum ef svo má að orði komast, að þau séu eðlis sterkari andlega og líkamlega strax fjögurra vetra gömul. Okkar leið til þess að ná því markmiði er að stefna á og leggja áherslu á að nota í megindráttum stóðhesta og hryssur til ræktunar sem koma til dóms snemma, helst 4 vetra og alls ekki seinna en 5 vetra, því það segir svo mikið til um eðlisgetu. Svo ung hross koma ekki til dóms til afkasta nema að vera eðlissterk, allra mikilvægast er öflugur bolur, bak og lend og að í geðslaginu sé jákvæðni og vinnugleði.

Öll held ég að við séum með sama markmiðið þegar hrossin eru eldri og fullþroskuð, einfaldlega að hrossið sé á einhverjum punkti gæðingur, t.d. sigurvegari í keppni 8-10 vetra gamall. 

 Spurningin er, er þetta heimsmet? Okkur að vitandi er Álffinnur fyrsti hestur til að ná 1. verðlaunum fyrir afkvæmi 8 vetra gamall, allavega samkæmt núverandi reglum þessara verðlauna. En hefur það gerst að hestur hafi náð þeim með gömlu reglunum?

Afkvæmin sem um er að ræða er:

Ég fann þessa fínu mynd af Alina og Seline frá Swiss með Júlíönu frá Ketilsstöðum. Þær voru klæddar jökkum með merki Gangmyllunnar. 
Myndin er tekin síðastliðið sumar. Júlíana er nú í Swiss hjá eiganda sínum Alina. Móðir Júlíönu er Júlía frá Ketilsstöðum og faðir Natan frá Ketilsstöðum.

{gallery}Juliana2015{/gallery}

2014 hefur verið gott ár og margt af því sem við höfum ætlað okkur að gera, hefur gengið upp. Á kynbótabrautinni og keppnisbrautinni hefur flest gengið að óskum og held ég að það sé hægt að fullyrða að þetta hafi verið okkar besta ár hingað til.

Á kynbótabrautinni hlutu 17 af 18 hrossum 1. verðlaun, þó svo að helmingur þeirra hafi verið sýnd sem klárhross. Óhætt er að segja að mörg hrossanna séu með glæsilega dóma, níu hrossanna hafa hlotið á bilinu frá 9,0 til 10, 0 fyrir tölt og er meðaleinkunn allra sýndra hrossa m.a  8,7 fyrir tölt, 8,4 fyrir brokk, 8,9 fyrir vilja og geðslag og 8,6 fyrir fegurð í reið. Meðaleinkunn skeiðs þeirra hrossa sem sýnd voru með skeiði er 8,0, en aðeins einn hestur hlaut 9,0 fyrir skeið á þessu ári, en það var Jörmuni.

Álfhildur 6 vetra fékk 10,0 fyrir tölt og þrjár hryssur hlutu 9,5 fyrir hægt tölt, en það voru þær Álfhildur og Katla 6 vetra og Álfastjarna 4 vetra. Frami og Tíbrá hlutu þá 9.0 fyrir hægt tölt. Einnig hlutu átta hross 9.0 fyrir tölt, það voru þau  Álffinnur og Frami 7 vetra , Katla 6 vetra, Tíbrá, Snekkja og  Bóla 5 vetra og Álfastjarna og Goði 4 vetra.

Ein 10,0 náðist fyrir vilja, en það var Álfhildur sem hlaut hana og litla systir hennar Álfastjarna fékk 9,5. Síðan náðust 8 x 9,0 fyrir vilja, en það voru þau Álffinnur og Frami 7 vetra, Katla og Sylgja 6 vetra, Tíbrá og Bóla 5 vetra og Goði 4 vetra.

9,5 hlaut Álfhildur fyrir fegurð í reið og þau Álfarinn, Frami, Katla, Tíbrá, Álfastjarna og Sylgja hlutu þar 9,0.

2 x 9,5 náðist fyrir fet, en það var Frami 7 vetra og Álfastjarna 4 vetra , síðan fékk Jörmuni 9,0 fyrir fet.

Einnig náðist 9,0 fyrir hægt stökk þrisvar sinnum en það voru þau Katla, Álfarinn og Sylgja.

Álffinnur byrjaði vel sem ræktunarhestur, tvö af hans fyrstu afkvæmum komu til dóms 4 vetra, þau Goði og Vinátta og hlutu þau bæði fyrstu verðlaun. Goði fékk m.a. 9 fyrir tölt og vilja og Vinátta 8,5 fyrir tölt, 9 fyrir stökk og 9.5 fyrir fet.

Til gamans má geta að heiðursverðlaunahryssurnar Álfadís og Ljónslöpp stóðu sig vel á árinu og áttu 5 og 4 avkvæmi sem tóku þátt í Landsmótinu, ýmist í kynbóta eða gæðingakeppni.

Á Landsmótinu áttum við svo þrjú kynbótahross í topp tíu, Álfhildur var efst í 6 vetra flokki hryssna, Snekkja í 4. sæti í 5 vetra flokki hryssna og Álfastjarna var í 7. sæti  flokki 4 vetra hryssna.

Á keppnisvellinum áttum við líka okkar besta ár, en hross úr okkar ræktun náðu átta sinnum að vera í topp 10 í Meistaradeildinni á þessu ári og finnst mér það persónulega alveg frábær árangur þar sem bestu knapar og hross landsins komu saman og styrkleiki mótaraðarinnar gífurlegur.

Þar náðist m.a. sigur í Gæðingafimi með hæstu einkunn frá upphafi en það var Álfhildur og svo náðist silfur í fjórgangi á Fálmari og silfur í T2 slaktaumatölti á Frama.

Simbi sigraði T2 slaktaumatöltið í KS deildinni fyrir norðan en þar var knapi Elvar Einarsson.

Vetrarmótaröð Sleipnis í opnum flokki ss. meistaraflokk vann Elin á Kötlu og Frama, með gull í tölti á öllum þremur mótunum.

Á opna WR íþrottamóti Sleipnis vann Bergur gæðingaskeið í meistaraflokki á Miningu, Elin fjórganginn í meistaraflokki á Frama, ég varð í öðru sæti í tölti meistaraflokks á Sprengju, Bergur í örðu sæti i Fimmgangi meistaraflokks á Strokk og Brynja og Spes í öðru sæti í fjórgangi í ungmennaflokki.

Elin og Frami enduðu í annað sæti í B flokki Sleipnis og unnu landsmótsúrtökuna með feikna einkunn og settu landsmóts sigurvegarann þar með fyrir aftan sig á því móti, þó svo að hlutirnir hafi ekki gengið upp á landsmótinu var þetta gríðarlega lofandi frammistaða. Einnig sigraði Brynja ungmennaflokk Sleipnis á sama móti og báðar umferðir á úrtökunni fyrir LM á Sprengju.

Á landsmótinu áttum við tvo fulltrúa í úrslitum en Brynja og Sprengja fóru beint í A-úrslit og náðu þar fimmta sæti í ungmennaflokki og Ísólfur Líndal og Gandálfur í B-úrslitum í A flokki.

Á Íslandsmótinu komust Elin og Frami í þriðja sæti í fjórgangi meistaraflokks.

Síðan unnum við þrjú gull á Suðurlandsmótinu, tvö þeirra í meistaraflokki, Fálmar vann fjórganginn og Frami slaktaumatöltið. Sylgja vann síðan opna flokkinn í fjórgangi í sinni fystu keppni.

Hross frá okkur voru líka að keppa erlendis með góðum árangri en hæst ber sigur Möru Staubli og Hlébarða í fimmgangi og þriðja sæti í slaktaumatölti á svissneska meistaramótinu og síðan annað sæti í fimmgangi og B-úrslit í slaktaumatölti á Miðevrópska meistaramótinu.

Markmiðið á þessu ári var að fá hærri kynbótadóma og gera hrossin sýnileg á keppnisvellinum og erum við mjög sátt við að það hafi gengið eftir. Markmiðið fyrir næsta ár er að halda þessari stefnu og ná ennþá meiri nýtingu, með því meina ég að sem mest af fæddum hrossum á búinu nái að uppfylla takmark ræktunarstefnu búsins að hljóta góðan kynbótadóm og skila sér í keppni með góðum árangri.