• Sunset at Syðri Gegnishólar
    Sunset at Syðri Gegnishólar
  • Christina the owner and Olil the breeder
    Christina the owner and Olil the breeder
  • Álfgrímur frá Syðri Gegnishólum
    Álfgrímur frá Syðri Gegnishólum
  • Álfadís mare of honor 2013
    Álfadís mare of honor 2013
  • Ketilsstaðir
    Ketilsstaðir
  • Brynja and Vakar in Piaff
    Brynja and Vakar in Piaff
  • Olil and Kraflar frá Ketilsstöðum
    Olil and Kraflar frá Ketilsstöðum
  • Bergur and Aðaldís frá Syðri Gegnishólum
    Bergur and Aðaldís frá Syðri Gegnishólum
  • Bergur and Hugur frá Ketilsstöðum
    Bergur and Hugur frá Ketilsstöðum
  • Syðri Gegnishólar
    Syðri Gegnishólar
  • Olil and Kraflar frá Ketilsstöðum
    Olil and Kraflar frá Ketilsstöðum
  • Spurning frá Syðri Gegnishólum
    Spurning frá Syðri Gegnishólum
  • Sólrún
    Sólrún
  • Mothercare
    Mothercare
  • Lokkur frá Syðri Gegnishólum
    Lokkur frá Syðri Gegnishólum
  • Bergur and Aðaldís frá Syðri Gegnishólum
    Bergur and Aðaldís frá Syðri Gegnishólum
  • Bergur and Aðaldís frá Syðri Gegnishólum
    Bergur and Aðaldís frá Syðri Gegnishólum
  • Borba Clinic
    Borba Clinic
  • Karen Rós
    Karen Rós
  • Olil and Heilladís
    Olil and Heilladís
  • Borba Clinic
    Borba Clinic
  • Kira and Kraflar
    Kira and Kraflar
  • Bergur and Lilja Dís LM 2011
    Bergur and Lilja Dís LM 2011
  • Olil and Sprengja frá Ketilsstöðum
    Olil and Sprengja frá Ketilsstöðum
  • Jóhannes Stefánsson
    Jóhannes Stefánsson
  • Freyja and Muggur
    Freyja and Muggur
  • Borba Clinic
    Borba Clinic
  • Breeders of the year 2012
    Breeders of the year 2012
  • Karen Rós, Álfadís and Olil
    Karen Rós, Álfadís and Olil
  • Ketilsstaðir
    Ketilsstaðir
  • Freyja and Gormur frá Selfossi
    Freyja and Gormur frá Selfossi
  • Bergur and Gandálfur frá Selfossi
    Bergur and Gandálfur frá Selfossi
  • Olil and Álfhildur frá Syðri Gegnishólum
    Olil and Álfhildur frá Syðri Gegnishólum
  • Olil and Álfarinn frá Syðri Gegnishólum
    Olil and Álfarinn frá Syðri Gegnishólum
  • Wintertime
    Wintertime
  • Breeders of the year 2010
    Breeders of the year 2010
  • Álfadís and Álfaklettur 2013
    Álfadís and Álfaklettur 2013
  • Birthday present
    Birthday present
  • Álfur frá Selfossi
    Álfur frá Selfossi
  • Álfadís, Grýla and Heilladís
    Álfadís, Grýla and Heilladís
  • Syðri Gegnishólar
    Syðri Gegnishólar
  • Hátign and Drift
    Hátign and Drift
  • Lokkur frá Syðri Gegnishólum
    Lokkur frá Syðri Gegnishólum
  • Olil and Védís frá Hellubæ
    Olil and Védís frá Hellubæ
  • Haukur and Hetta frá Ketilsstöðum
    Haukur and Hetta frá Ketilsstöðum
  • Elin and Hugur frá Ketilsstöðum
    Elin and Hugur frá Ketilsstöðum
  • Syðri Gegnishólar
    Syðri Gegnishólar
  • Jónatan frá Syðri Gegnishólum
    Jónatan frá Syðri Gegnishólum
  • Bergur and Ljóni frá Ketilsstöðum
    Bergur and Ljóni frá Ketilsstöðum
  • Ketilsstaðir
    Ketilsstaðir
  • Dennis and Álfasteinn frá Selfossi
    Dennis and Álfasteinn frá Selfossi
  • Spes and Tesla frá Ketilsstöðum
    Spes and Tesla frá Ketilsstöðum
  • Brynja and Berglind
    Brynja and Berglind
  • Berglind and Brynja
    Berglind and Brynja
  • Borba Clinic
    Borba Clinic
  • Bergur and Olil
    Bergur and Olil
  • Álfadís
    Álfadís
  • Álfur frá Selfossi
    Álfur frá Selfossi
  • The queen :) Katla
    The queen :) Katla
  • Álffinnur frá Syðri Gegnishólum
    Álffinnur frá Syðri Gegnishólum
  • Ketilsstaðir
    Ketilsstaðir
  • Berglind and Simbi frá Ketilsstöðum
    Berglind and Simbi frá Ketilsstöðum
  • Ófeig, Grábrá and Christina
    Ófeig, Grábrá and Christina
  • Haukur and Hetta frá Ketilsstöðum
    Haukur and Hetta frá Ketilsstöðum
  • Bergur and Olil
    Bergur and Olil
  • Sandra and Sirkus frá Syðri Gegnishólum
    Sandra and Sirkus frá Syðri Gegnishólum
  • Julio Borba
    Julio Borba
  • Ketilsstaðir
    Ketilsstaðir
  • Álfarinn frá Syðri Gegnishólum
    Álfarinn frá Syðri Gegnishólum
  • Offsprings of Álfur at Landsmót 2012
    Offsprings of Álfur at Landsmót 2012
  • Offsprings of Álfur at Landsmót 2012
    Offsprings of Álfur at Landsmót 2012
  • Ketilsstaðir
    Ketilsstaðir
  • Bergur and Olil
    Bergur and Olil
  • Bergur and Bylgja frá Ketilsstöðum
    Bergur and Bylgja frá Ketilsstöðum
  • Ketilsstaðir
    Ketilsstaðir
  • Breeders of the year 2010
    Breeders of the year 2010
  • Katla og Bergur
    Katla og Bergur
  • Brynja and Vakar frá Ketilsstöðum
    Brynja and Vakar frá Ketilsstöðum
  • Ketilsstaðir/Syðri Gegnishólar
    Ketilsstaðir/Syðri Gegnishólar
  • Beauty in the mist
    Beauty in the mist
  • Natan frá Ketilsstöðum
    Natan frá Ketilsstöðum
  • Bergur and Olil
    Bergur and Olil
  • Olil and Heilladís frá Syðri Gegnishólum
    Olil and Heilladís frá Syðri Gegnishólum
  • Álfasteinn and Hetta
    Álfasteinn and Hetta
  • Borba Clinic
    Borba Clinic
  • Bergur and Álfasteinn frá Selfossi
    Bergur and Álfasteinn frá Selfossi
  • Freyja and Muggur
    Freyja and Muggur
  • Tesla frá Ketilsstöðum
    Tesla frá Ketilsstöðum
  • Tígur, son of Ljónslöpp and Álffinnur born 2010
    Tígur, son of Ljónslöpp and Álffinnur born 2010
  • Borba Clinic
    Borba Clinic
  • Borba Clinic
    Borba Clinic
  • Bergur and Ægir frá Ketilsstöðum
    Bergur and Ægir frá Ketilsstöðum
  • Djörfung frá Ketilsstöðum
    Djörfung frá Ketilsstöðum
  • Freyja and Gormur frá Selfossi
    Freyja and Gormur frá Selfossi
  • Olil and Gramur frá Syðri Gegnishólum
    Olil and Gramur frá Syðri Gegnishólum
  • Álfadís mare of honor 2013
    Álfadís mare of honor 2013
  • Syðri Gegnishólar
    Syðri Gegnishólar
  • Jón Bergsson
    Jón Bergsson
  • Vigdís Finnbogadóttir
    Vigdís Finnbogadóttir
  • Ketilsstaðir
    Ketilsstaðir
  • Freyja and Elin
    Freyja and Elin
  • Olil and Álfhildur frá Syðri Gegnishólum
    Olil and Álfhildur frá Syðri Gegnishólum
  • Friends
    Friends
  • Tesla frá Ketilsstöðum born 2010
    Tesla frá Ketilsstöðum born 2010
  • Ketilsstaðir
    Ketilsstaðir
  • Elin og Frami 2016
    Elin og Frami 2016
  • Kira and Brynja
    Kira and Brynja
  • Ketilsstaðir
    Ketilsstaðir
  • Olil and Tíbrá frá Ketilsstöðum
    Olil and Tíbrá frá Ketilsstöðum
01
Dec 13

Héðan er allt gott að frétta og ganga framkvæmdir vel. Byrjað er að steypa sökkla og  síðastliðinn föstudag var byrjað að steypa.

IMG 1880 IMG 1884

 

22
Nov 13

Var að klippa til þetta mynband af Kötlu frá Ketilsstöðum, en það er glæsileg fimm vetra hryssa úr okkar ræktun sem sýnd var á þessu ári. Katla er undan heiðursverðlaunahryssunni Ljónslöpp frá Ketilsstöðum, sem er undan Oddi frá Selfossi og Snekkju frá Ketilsstöðum og faðir hennar er Gaumur frá Auðsholtshjáleigu, sem er undan Orra frá Þúfu og Hildi frá Garðabæ.
Katla var sýnd á FM á Hornafirði í sumar, þar sem eigandi hennar Guðmundur Þorsteinn Bergsson hefur lögheimili fyrir austan og hefur reyndar alltaf búið þar, nema núna þar sem hann er að læra í Reykjavík. Katla býr eflaust yfir einhverju skeiði þó svo að það hafi verið látið eiga sig að sinni, myndbandið var tekið þegar hún var sýnd í fordómi á Hornafirði á grasvelli sem þar er í boði. Umhverfið er fallegt, völlurinn frábær og parið á brautinni var ansi flott, góða skemmtun.

Katla frá Ketilsstöðum   Katla frá Ketilsstöðum, mynd Óðinn Örn.

18
Nov 13

Var að fá senda þessa fallegu mynd af Flaumi frá Ketisstöðum, en hann er sonur heiðursverðlaunahryssunnar Framkvæmdar og Tjörva frá Ketilsstöðum. Flaumur var þjálfaður hér og sýndur í kynbótadómi 6 vetra gamall og hlaut hann 8, 02 í aðaleinkunn og þ.a 8,5 fyrir skeið. Svo var hann seldur til Noregs, ungum og efnilegum knapa, Caroline Gleditsch Holstad. Nú er að nálgast ári síðan hann fór út og er hann búinn að vera í góðu yfirlæti og miklu uppáhaldi siðan. Hann er allur að styrkjast þroskast og þegar ég sá þessa mynd bað ég um að fá hana svo ég gæti birt hana hér á heimasíðunni.

Flaumur frá Ketilsstöðum, mynd Mikkel Holstad.

16
Nov 13

Í gær var tekinn fyrstu skóflustungan, en nú erum við að hefja byggingu á 26 hesta stóhestahúsi og tengibyggingu yfir í reiðhöllina. Verður þetta mikil og nauðsynleg breyting fyrir okkur og mikil framför að þurfa ekki að fara út með hrossin til að komast yfir í reiðhöllina, heldur getur maður teymt hrossin innandyra. Stóðhestahúsið sem við höfum notað hingað til er í gömlu fjósbyggingunni á staðnum og hefur alltaf verið hugsuð sem bráðabirgða redding. Verktakar eru J.Á. verk á Selfossi og sjá þeir svo um allar framkvæmdir frá upphafi til enda. Við erum hrikalega ánægð og spennt og gaman verður að fylgjast með framvindun mála.

Fyrsta skúflustúngar 15 nov. Mynd Gangmyllan. Fyrsta skúflustúngar 15 nov. Mynd Gangmyllan. Fyrsta skúflustúngar 15 nov. Mynd Gangmyllan.

14
Nov 13

Fagráð er búið að birta listann yfir hrossaræktarbúin sem hafa staðið sig best á árinu og er gaman að sjá að okkar bú Ketilsstaðir/Syðri Gegnishólar er á listanum. Í tilefni þess finnst mér vera viðeigandi að taka saman árangur búsins í ár.
Í ár sýndum við 17 hross úr okkar ræktun í kynbótadóm, sem sagt 8 hrossum færra en í fyrra. Meðalaldur hrossanna er 5,3 sem er heldur lægra en í fyrra en þá var meðalaldurinn 5,76 ár . Aðaleinkunn allra sýndra hross í ár var 8,02 sem er dálítið lægra en í fyrra en þá var aðaeinkunnin 8,12. Það skýrist væntanlega á því að við sýndum töluvert fleiri klárhross í ár, þ.e.a.s. 9 af sautján, en í fyrra voru klárhrossin 7 af 25. Í ár voru einnig sýnd 5 fjögurra vetra hross en í fyrra voru þau aðeins tvö. Meðaleinkunn þessara fimm fjögurra vetra hrossa var 7, 98  sem má teljast gott

Birti hér myndir af hrossunum sem sýnd voru frá búinu í ár, raðað eftir aðaleinkunnum.

Hrossin sem sýnd voru á árinu eru: 

   Álfhildur frá Syðri Gegnishólum, knapi Olil Amble. Mynd Gangmyllan. Fálmar frá Ketilsstöðum, knapi Olil Amble. Mynd Gangmyllan. Hetta frá Ketilsstöðum, knapi Haukur Tryggvason. Mynd Ulrik Neddens.  Jörmuni frá Syðri Gegnishólum, knapi Jakob Sigurðsson. Mynd Gangmyllan. Álfarinn frá Syðri Gegnishólum, knapi Olil Amble. Mynd Gangmyllan. Bóla frá Syðri Gegnishólum, knapi Jakob Sigurðsson. Mynd Gagnmyllan. Katla frá Ketilsstöðum, knapi Elin Holst. Mynd Óðinn Örn. Ester frá Ketilsstöðum, knapi Bergur Jónsson. Mynd Gangmyllan. Sprengja frá Ketilsstöðum, knapi Olil Amble. Mynd Gangmyllan. Marion frá Syðri Gegnishólum, knapi Bergur Jónsson. Mynd Gangmyllan. Grábrók frá Syðri Gegnishólum. Knapi Elin Holst. Mynd Gangmyllan. Sylgja frá Ketilsstöðum, knapi Elin Holst. Mynd Gangmyllan. Tíbrá frá Ketilstöðum, knapi Olil Amble. Mynd Gangmyllan. Synd frá Ketilsstöðum, knapi Olil Amble. Mynd Gangmyllan. Fróði frá Ketilsstöðum, knapi Jakob Sigurðsson. Mynd Gangmyllan. Isbrá frá Ketilsstöðum, knapi Olil Amble. Mynd Gangmyllan. Myrra frá Syðri Gegnishólum, knapi Olil Amble. Mynd Gangmyllan.

10
Nov 13

Í gær var hluti af deginum notaður í að gefa ormalyf, klippa hófa og örmerkja folöldin. Alltaf gaman að skoða hrossin í návígi og eru þau í flottu standi og tilbúin í veturinn. Auðvitað voru allir að hjálpa til m.a Logi Ólafsson nágranni okkar og hrossaræktandi og konan hans Brynhildur, Nina og Dennis frá Þýskalandi og auðvitað heimilisfólkið. Verkstjóri Bergur, Elin, Esther, Berglind, Olil og afmælisbarnið Brynja sem varð tvítug í gær 9.nóvember.

20 nov 2013, mynd Gangmyllan. 20 nov 2013,mynd Gangmyllan. 20 nov 2013, mynd Gangmyllan. 20 nov 2013, mynd Gangmyllan. 20 nov 2013, mynd Gangmyllan.

04
Nov 13

Ari frá Efri Gegnishólum er þriggja vetra foli undan Hrönn frá Efri Gegnishólunm og Álffinni. Hrönn er undan Hrannari frá Höskuldsstöðum og Síðu frá Efri-Gegnishólum. Hrönn hlaut 8,08 í aðaleinkunn 6 vetra gömul með m.a. 9,0 fyrir fergurð í reið og hægt tölt. Hún er móðir Arnar frá Efri-Gegnishólum sem hefur verið í úrslitum í 5 gangi á nokkrum heimsmeistaramótum og með 8,51 í aðaleinkunn, þ.á.m. 9,0 fyrir tölt, fet, fegurð í reið og vilja og 9,5 fyrir hægt tölt. Annar frábær sonur hennar er Þröstur, undan Natani frá Ketilsstöðum en hann var í þriðja sæti í fjögurra vetra flokki á LM´12 með 8,24 og m.a 9,0 fyrir fegurð í reið. Ari er myndarlegur og hreyfingamikill, með sérstaklega mikið framgrip og hann fer vel af stað í tamningu.

Ari frá Efri-Gegnishólum. Brynja Amble Gísladóttir heldur í, Mynd Gangmyllan. Ari frá Efri -Gegnishólum. Mynd Gangmyllan. Ari frá Efri-Gegnishólum, mynd Gangmyllan.

28
Oct 13

Þessi skjótti foli er þriggja vera gamall, móðir hans er Mylla frá Selfossi og faðir er Álffinnur frá Syðri Gegnishólum. Mylla er með 8,15 í aðaleinkunn, var tamin á fimmta vetur og sýnd á LM 2002 þar sem hún var í sjötta sæti í fimm vetra flokki. Foreldrar Myllu voru Muska frá Stangarholti og Kolfinnur frá Kjarnholtum. Mylla hefur verið töluvert óheppin með afkvæmin sín, ljót slys eyðilögðu fyrir tveimur þeirra og eitt frá vegna langtímaveikinda. Í haust kom til sýningar fyrsta afkvæmið undan henni, Myrra frá Syðri Gegnishólum, mjúk og hreyfingagóð klárhryssa undan Sveinin Hervari, hún hlaut frekar lágan dóm 7,76 og töluvert vandæmd að okkar mati. Þannig að ennþá vitum við frekar lítið um getu Myllu í ræktun en jarpskjótti folinn fer vel af stað, næmur, hreyfinga- og gangmikill og ekki spillir hvað hann er vel skjóttur eins og reyndar mörg Álffinnsafkvæmin.

Álffinnssynir 241013 007 Álffinnssynir 241013 026 Þriggja vetra sonur Álffinns og Myllu frá Selfossi, Mynd Gangmyllan.

24
Oct 13

Ái frá Syðri Gegnishólum er þriggja vetra foli undan Gráhildi frá Selfossi og Álffinni. Gráhildur er undan Randveri frá Nýjabæ og Musku frá Stangarholti, hún er með fyrstu verðlaun, m.a 9,0 fyrir tölt, brokk, fegurð í reið og vilja. Ái er fjórða afkvæmið hennar til að ná tamningaraldri en elsta systir hans, Gersemi, hlaut 8,21 fimm vera gömul og Grábrók hlaut 7,97 í aðaleinkunn nú í ár fjöggura vetra gömul. Ái er stór, myndarlegur og gangmikill foli sem fer vel af stað í tamningu, hann er eign Einars Kofoed í Noregi.

Ái frá Syðri Gegnishólum, mynd Gangmyllan. Ái frá Syðri Gegnishólum, mynd Gangmyllan. Álffinnssynir okt 13 082

21
Oct 13

Sá þessa flottu mynd af Sirkus frá Syðri Gegnishólum en hann er sonur Grýlu frá Stangarholti og Sæla frá Holtsmúla. Sæli er albróðir Suðra frá Holtsmúla og eru þeir undan Skálm frá Köldukinn og Orra frá Þúfu. Sirkus er búinn að vera staðsettur í Sviss undanfarin ár og er í eigu Söndru Scherrer. Þessi mynd er tekinn í Nauler í Þýskalandi á semeiginlegu úrtökumóti þjóðverja, svisslendinga. Sandra og Sirkus tóku þátt í fjórgangi V2 og enduðu í 7. sæti í B úrslitum. Sirkus er efnilegur fjórgangari og voru þau Sandra að taka sín fyrstu skref í keppni á þessu ári. Það er ekki erfitt að sjá að hann kippir í kynið og verður gaman að fylgjast með þessu pari á keppnisbrautinni á næstu árum.

Sirkus og Sandra 2013. Mynd Claudia Achilles.  Sirkus og Sandra 2011. Mynd Gangmyllan.

18
Oct 13

Brúni hesturinn á myndunum er þriggja vetra sonur Væntingar frá Ketilsstöðum og Álffinns. Vænting er undan Hugmynd frá Ketilsstöðum og Toppi frá Eyjofsstöðum. Vænting er m.a móðir Natans sem við misstum langt fyrir aldur fram en hann er um þessar mundir að sanna sig sem kynbótahestur, eins og t.d í frábærum sonum sínum Þresti frá Efri Gegnishólum og Narra frá Vestri Leirárgörðum. Natan var undan Kolfinni frá Kjarnholtum og hlaut  hann 8,40 í aðaleinkunn fimm vetra gamall. Annað afkvæmi Væntingar með fyrstu verðlaun er Stemmning frá Ketilsstöðum, faðir hennar er Sveinn Hervar frá Þúfu og hlaut hún 8,02 í aðaleinkunn fimm vetra gömul.

Folinn fer vel af stað í tamningu og sýnir tölt, brokk og stökk og veitið því athygli að hann er eins og flest systkini sín í fyrsta árgangi, vel fextur. Pínulítið sérstakt þar sem Álffinnur sjálfur var með 6,5 fyrir prúðleika fjögurra vetra gamall og lækkaði svo niður í 6,0 fimm vetra gamall. Sem komið er erum við mjög ánægð með afkvæmi Álffinns í heild, þau eru stór, mjög vel þroskuð, næm og fljót að læra. Þau eru með góð gangskil og góðar hreyfingar. Við höfum stólpa trú á honum sem kynbótahest, enda höfum við haldið óvenju mikið undir hann. Við hlökkum til næsta árs því þá koma til tamningar töluvert af afkvæmum hans frá hinum og þessum, en í fyrsta árganginum eru fimmtán afkvæmi og fjórtan þeirra eru hér hjá okkur. Annað við Álffinn sem mér finnst persónulega skemmtilegt er að það eru hlutfallslega ekki mörg tryppi undan honum illa skjótt og þó nokkur þeirra vængskjótt sem mér finnst fallegasti skjótti liturinn.

Birti nokkara myndir af brúna folanum m.a ein af honum á tölti þar sem gæðin í myndinni er hrikaleg en mér finnst hún skemmtileg svo ég birti hana samt, þetta er jú bara heimasíða ( :

Sonur Væntingar og Álffinns fæddur 2010 001 Sonur Væntingar og Álffinns fæddur 2010 014-1 Sonur Væntingar og Álffinns fæddur 2010 008

16
Oct 13

Fjórði folinn sem ég ætla að skrifa um og birta myndir af er þriggja vetra sonur Framkvæmdar og Álffinns. Framkvæmd er með heiðursverðlaun fyrir afkvæmi, móðir hennar er Hugmynd frá Ketilsstöðum og faðir er Hrafn frá Holtsmúla. Systkini hans að móðurinni til sem hafa hlotið fyrstu verðlaun eru, Minning 8,25, Djörfung 8,23, Flugnir 8,38, Flaumur 8,02 og Frami 8,03. Folinn er vel gerður og bráðmyndarlegur, flottar hreyfingar og fer vel af stað í tamningu.

Sonur Framkvæmdar og Álffinns 3 vetra. Mynd Gangmyllan. Þriggja vetra sonur framkvæmdar og Álffinns. Mynd Gangmyllan. Þriggja vetra sonur Framkvæmdar og Álffinns. Mynd Gangmyllan. Þriggja vetra sonur Framkvæmdar og Álffinns. Mynd Gangmyllan.

14
Oct 13

Þriðji folinn til kynnngar er jarpur foli þriggja vetra gamall, sonur Þernu frá Ketilsstöðum og Álffinns frá Syðri Gegnishólum. Þerna er dóttir Sylgju frá Ketilsstöðum og Stigs frá Kjartansstöðum. Eldri afkvæmi Þernu með fyrstu verðlaun eru, Þjónn 8,07, Krafla 8,01, Kraflar 8,28, Spes 8,20 og Fálmar 8,22. Sá jarpi er myndarfoli og fer vel af stað í tamningu.

Sonur Þernu og Álffinns, fæddur 2010. Mynd Gangmyllan. Sonur Þernu og Álffinns fæddur 2010. Mynd Gangmyllan. Sonur Þernu og Álffinns fæddur 2010. Mynd Gangmyllan.

03
Oct 13

Birti hér nokkrar myndir af þriggja vetra gömlum fola sem  verið er að frumtemja. Orka frá Gautavík , móðir folans er í eigu dóttir Bergs, Guðgjargar Önnu Bergsdóttir en eigandi folanns er Guðmundur Þorsteinn Bergsson, sem fékk í úskriftargjöf frá systur sinni að halda Orku. Hann hélt henni undir Álffinn og ber folinn nafnið Stúdent frá Ketilsstöðum. Hann er stór  myndarlegur og hreyfingamikill, þannig að þetta llitur mjög vel út eins og er. Systkini hans sem hafa farið í dóm eru, Almar Álfasteinsson, 8,31 og Amazon Natansson 7,97.

.Álffinnssýnir okt 2013 026 Álffinnssýnir okt 2013 031 Álffinnssýnir okt 2013 035

Myndir: Gangmyllan

01
Oct 13

Frumtamningar hjá okkur þetta haustið hófust fyrir tæpum þrem vikum og erum byrjuð að járna þá fola sem okkur finnst vera tilbúnir í það. Núna erum við að temja fyrsta árganginn undan Álffinni, en til eru undan honum 14 tryppi á fjórða vetur og þrettán þeirra eru hér hjá okkur. Ellefu eru frá Ketilsstöðum/Syðri Gegnishólum, eitt frá Efri Gegnishólum og eitt frá Hellubæ. Svo er eitt afkvæmi í Halakoti og fimmtánda tryppið var frá okkur en það var brúnn hestur sem undan Framtið, sem fékk svo slæma lungnabólgu í pestinni að við urðum að fella hann. Tryppin fara mjög vel af stað, eru næm og skemmtileg. Birti nokkar myndir af syni Ljónslappar frá Ketilsstöðum, en han átti tvær systur sem fóru í flotta dóma í fyrra þær Sprengja og Katla og svo er stóri bróðir hans og reyndar 3/4 bróðir hans, Ljóni sem við seldum til Danmerkur nú í haust. Folinn er enn óskírður en það stendur til að bæta úr því.

Álffinnssýnir okt 2013 007 Álffinnssýnir okt 2013 006 Álffinnssýnir okt 2013 011 

Myndir: Gangmyllan

23
Sep 13

Það var ótrúlega fallegt veður hér í gær, haust veður eins og það gerist best. Glaða sólskin og logn að mestu, frábært til útreiðar. Þegar kvöldaði kom þetta líka fallega sólsetur. Hér fyrir neðan birtum við nokkrar myndir af Syðri Gegnishólum, teknar í gærkvöldi.

Sólsetur sept2013 012 Sólsetur sept2013 005

Myndir: Gangmyllan

21
Sep 13

Nú er farnir frá okkur tveir stóðhestar enn, en um er að ræða Ljóna og Hug frá Ketilsstöðum. Ljóni er undan heiðursverðlaunahrossunum Ljónslöpp og Álfasteini. Hæst hefur Ljóni hlotið 8,47 í kynbótadómi  og m.a hlotið einu sinni einkunnina 10 fyrir hófa. Ljóni var hátt metinn sem kynbótahestur hér hjá okkur og er hann eins og er með tvö sýnd afkvæmi, bæði úr okkar ræktun. Þær hlutu báðar 1.verðlaun fimm vetra gamlar og eru undan honum tveggja og þriggja vetra gömlum en þá voru settar til hans örfáar hryssur. Ljóni er með 87 skráð afkvæmi í Worldfeng og er með 123 stig í kynbótamati. Til gamans má geta mæður Ljóna og Spuna frá Vesturkoti eru báðar undan Oddi frá Selfossi þannig að hér er um að ræða 3/4 bræður, þar sem báðir eru þeir undan Álfasteini frá Selfossi.

Hugur er undan Ör frá Ketilsstöðum og heiðursverðlaunahestinum og Sleipnisbikarshafanum Hróðri frá Refsstöðum. Hugur hlaut hæst í kynbótadómi 8,29 og hefur hlotið 9,0 fyrir bæði skeið og vilja, enda mikil skeiðgen í honum, móðir hans, Ör er undan Kjarval frá Sauðárkróki og heiðursverðlaunahryssunni Framkvæmd frá Ketilssstöðum, en tvö afkvæmi Framkvæmdar hafa hlotið 9,5 fyrir skeið og Flugnir sonur hennar 10 ásamt því að Hjörvar bróðir hennar hlaut 10 á sínum tíma. Ör sjálf var aldrei tamin en hún slasaði sig illa á fæti sem tryppi. Hugur er med fjögur skráð afkvæmi í Worldfeng og tvö þeirra eru frá Syðri Gegnishólum fædd árin 2011 og 2012. Hugur er með 122 stig í kynbótamati.

Kaupandi þessarra hesta er Complete Horses í Danmörku, en knapar þeirra verða Tania Höyvang Olsen fyrrum tvöfaldur heimsmeistari í 100 metra skeiði en hún stílar á Ljóna sem sinn næsta keppnishest og svo verður nemandi hennar Maja Blitskov knapi á Hug, en hún er keppandi í ungmennaflokki eins og er. Við erum náttúrlega mjög ánægð með að svo reyndur knapi skuli sjá og hafa yfirumsjón með þjálfun á þessum hestum og að markmiðið sé keppni. Við óskum nýjum eiganda og knöpum alls hins besta og velfarnaðar í framtíðinni.

 Tania og Maja 2 Tania og Maja 1 Tania og Maja 3

Tania Höyvang Olsen og Maja Blitskov með nýju hestunum sínum þeim Ljóna og Hug, er fóru utan í fyrradag. Myndir: Gangmyllan.

19
Sep 13

Var að fletta í myndum í símanum mínum og fann þessar fínu myndir sem ég tók í sumar þar sem Freyja elsta dóttir min var að heilsa up á gamlan vin sinn hann Mugg frá Stangarholti en hann er komin á ellilaun og búin að eyða síðastliðnum árum á Ketilsstöðum í góðu yfirlæti.Hann var ekkert smá ánægður að hitta hana Freyju sína, enda gerir hann mikinn mannamun og kemur alltaf á hann sérstakur svipur þegar hann er með henni.

Muggur fæddist í Stangarholti árið 1990 og man ég eftir að hann fæddist sótrauðurblesóttur, að mér fannst ekkert smá flottur litur, en það var auðvitað of gott til að vera satt, enda sást fljótlega að hann yrði grár og í mörg ár var hann leiðinda muskugrár. Það þótti ekkert efnilegt að hann brokkaði upp úr karinu, það var visst tákn um gangleysi.Muggur var alveg þokkalega myndarlegt tryppi, var hann frumtamin í tamningaprófi FT, en tamdist ekki nógu vel til að vera einn af þeim bestu þrem tryppum til að fara endanlegt tamningapróf. Þá tíðkaðist að próftaki legði af stað með fimm tryppi en þrjú bestu tryppin að mati próftaka færu í endanlegt próf. Síðan tók ég við frekari þjálfun og undirbjó ég hann mjög vel fyrir gangsetningu því töltið lá ekki á lausu, gerði hann svo fiman að einn daginn bauð hann ganginn sjálfur. Það var hátt og mikið fálm sem hann bauð mér og notaði hann töluverðan tíma í að ná jafnvægi á töltinu enda rúllaði hann alveg yfir í binding eins og mér finnst ágætt.

Eftir þetta gekk hratt fyrir sig að vinna úr honum, enda viljugur og næmur og vel gengur klárhestur með tölti. Hann varð bara hellings flottur og þegar hann var sex vetra gamall gáfum við Freyju hann, en hún orðin mjög vön, frábært jafnvægi enda búin að eyða miklum tíma í hnakknum  á alskonar hestum og var farin að ríða ein fjögurra ára gömul. Ég notaði þrjár vikur í að venja þau saman, klárinn var kvikur og næmur og varð að fá að venjast hreyfingum hennar og hún hann. Þegar traustið var komið var nánast allt komið, enda Muggur hreingengur og orðinn mikill töltari. Fyrsta keppnin sem hún tók þatt í var á FM á vesturlandi, sama ár,1996, þar sem þau enduðu fjórða sæti.

Ferill Freyju og Muggs, spannaði sex ár og á þeim tíma urðu þau nífaldir Íslandmeistarar, unnu tvisvar unglingaflokkin á landsmóti, sigruðu fákaflug og margt margt fleira.Þegar ég hugsa til baka var þetta erfitt en mjög skemmtilegt tímabil, það voru margar góðar stundir sem við Freyja og Muggur áttum saman, í dag er Muggur 21 vetra og  Freyja 27 ára og starfar við tamningar, kennslu og þjálfun í Noregi og býr í mínum heimabæ, Asker.

Einn af keppnishestum hennar í dag er Gormur frá Selfossi, en hann er systursonur Muggs og keppti hún á honum fyrir Íslands hönd á nýafstöðnu norðurlandamóti í Gæðingakeppni sem haldið var á brokkvellinum Biri við Lillehammer og urðu þau í sjöunda sæti í B-flokki með 8,46.

Móðir Muggs er Mugga frá Kleifum sem var undan fyrstu verlaunahryssunni Lygnu frá sama bæ og vekringnum Hnokka frá Steðja. Faðir hans var Gáski frá Hofsstöðum, sonur Hrímnis frá Vilmundarsstöðum og Freyju frá Hofsstöðum.
Gormur er undan Musku fra Stangarholti, sem var undan Muggu frá Kleifum og Frama frá Bakka, en til gamans má geta að Frami var undan Söndru frá Bakka og þar af leiðandi hálfbróðir hinns fræga Baldurs frá Bakka. Faðir Gorms er Sveinn Hervar frá Þúfu og albróðir Gorms er Gramur frá Syðri Gegnishólum.

Birti nokkrar myndir af Freyju og Mugg og svo í restina af Freyju og Gormi.

IMG 0001  IMG 0005 IMG 0004 IMG 0002 IMG 0003 Muggur Freyja Gísladóttir LM2000 92-7-4 Muggur Freyja Gísladóttir LM2000 93-7-5 287 Muggur Freyja Gísladóttir LM2002 93-1-3 20130726 093352_3 20130726 093358_2 20130726 093348 IMG 10796959408080 IMG 10802118526733 IMG 10820461147583 IMG 10837550960816 1

Myndir : Janne Biribakken, Nina Hjartardóttir. Jens Einarsson, Eirikur Jónsson, Gangmyllan,Grönvold og örugglega fleiri. 

 

10
Sep 13

Eina endursýnda hrossið úr okkar ræktun á síðssumarssyningunni var Ísbrá frá Ketilsstöðum. Hún var sýnd á miðssumarssýningunni líka og tókst það ekki sem skyldi og þess vegna var ráðist í að sýna hana aftur. Á fyrri sýningunni fékk hún 8,5 fyrir tölt og vilja en nú hækkaði hún upp í 9,0 fyrir tölt og lækkaði svo niður í 8,0 fyrir vilja, æðislegt. Það rímar vel í mínum eyrum. En skítt með það, hryssan er harðviljug og dómurinn stórskrýtin.

Er nýbúin að skrifa um  Ísbra en svona rétt til upprifjunnar er hún  fimm vetra klárhryssa undan Brá frá Ketilsstöðum og Álfasteini frá Selfossi. Brá er undan Senu frá sama bæ og Orra frá þúfu og eru systkini hennar sammæðra, með fyrstu verðlaun. Það eru þau Grábrá og Kristall, bæði klárhross og svo er hún Tíbrá sem ég er nýbúin að skrifa um líka sammæðra þeim.  Álfasteinn er undan Álfadísi frá Selfossi og Keili frá Miðsitju. Öll eru þau með heiðursverðlaun fyrir afkvæmi.  

Dómurinn hennar er svohljóðandi: Sköpulag: 7,5  8,0  8,0  7,5  8,0  7,5  8,0  6,5  Samtals 7,78 

Hæfileikar: 9,0  8,0  5,0  7,5  8,0  8,0  8,5    Hægt tölt 8,5  Hægt stökk 8,0  Samtals 7,75   Aðaleinkunn 7,76

Isbrá siðsumar Hella 2013 209 3

 Ísbrá frá Ketilsstöðum, Knapi var Olil Amble   Mynd: Gangmyllan

06
Sep 13

Tíbrá frá Ketilsstöðum er fjögurra vetra hryssa undan Brá og Natan frá Ketilsstöðum. Brá er með fyrstu verðlaun og móðir hennar er Sena sem einnig er fyrstu verðlauna hryssa, faðir er Orri frá Þúfu sem vart þarf að kynna. Faðir Tíbráar er Natan, hann er undan Væntingu frá Ketilsstöðum sem er með fyrstu verðlaun og heiðursverðlaunahestinum Kolfinni frá Kjarnholtum. Hross undan Brá yfir 8,0 í aðaleinkunn eru Kristall og Grábrá.

Tíbrá slasaðist lítillega á fæti í vetur en nóg til þess að dragast aftur úr í tamnigu og er það ástæðan fyrir því hversu seint hún er sýnd á árinu. Tibrá er mjög efnileg klárhryssa, stór og léttbyggð, hún er harðviljug og yfirveguð enda þurfti hún á því að halda því hún var sýnd í brjáluðu roki og rigningu og þarf meira en meðal vilja og geðslag til að standa það af sér með prýði. Eftir að hennar holl var búið í braut var boðið upp á að bíða með frekari reiðdóma til næsta dags.

Dómur Tíbráar hljóðar þannig: Sköpulag  7,0  8,5  8,0  8,0  8,0  8,0  8,0  8,0   Samtals 8,05

Hæfileikar  8,5  8,0  5,0  8,5  8,5  8,5  8,5  Hægt tölt 8,5  Hægt stökk 8,0 samals 7,85  Aðaleinkunn  7,93

Tíbrá siðsumar Hella 2013 262 6 Tíbrá siðsumar Hella 2013 262 5 

Tíbrá frá Ketilsstöðum, knapi var Olil Amble  Myndir: Gangmyllan

Select language by flag

Til Sölu

Hilbar Katla hnakkur

We have 70 guests and no members online