Marion frá Syðri Gegnishólum er fimm vetra hryssa undan Muggu frá Kleifum og Ljóna frá Ketilsstöðum. Mugga er undan Hnokka frá Steðja og Lygnu frá Kleifum, sem var með fyrstu verðlaun. Marion er fimmtánda og síðasta afkvæmið hennar Muggu og afkvæmi númer tvö til að fara yfir átta. En það eru aðeins þær alsystur Mugga og Marion sem hafa gert, báðar náð því fimm vetra gamlar. Alls eignaðist Mugga fimm hryssur, ein þeirra fórst sem folald en hinar tvær þær Lygna og Muska hafa reynst frábærar ræktunarhryssur þótt ekki hafi þær hlotið fyrstu verðlaun sjálfar. Mugga yngri, alsystir Marionar hlaut 8,18 í aðaleinkunn á LM í fyrra og 10 sætið í fimm vetra flokki. Ljóni faðir þeirra er með 8,47 í aðaleinkunn og móðir hans er heiðursverðlaunahryssan Ljónslöpp frá Ketilsstöðumm og faðir hans Álfasteinn frá Selfossi sem einnig hefur uppfyllt lágmarkskröfur til heiðursverðlaunar fyrir afkvæmi.

Marion mjög efnileg og hreyfingamikil alhliðahryssa og dómurinn hennar varð þannig: Sköpulag: 8,0  8,0  7,5  8,0  8,5  7,5  8,5  7,0 = 8,04

 Hæfileikar: 8,5  8,0  7,0  7,5  8,0  8,5  8,0  Hægt tölt: 8,0  Hægt stökk 7,0 = 8,0  Aðaleinkunn: 8,02

Marion frá Syðri Gegnishólum, knapi Bergur Jónsson. Myndir: Gangmyllan

Ester frá Ketilsstöðum er fimm vetra gömul hryssa undan Hlin frá Ketilssstöðum, sem er undan Kjark frá Egilsstaðabæ og heiðursverðlaunahryssunni Vakningu frá Ketilsstöðum. Hlín er með fyrstu verðlaun og önnur afkvæmi hennar yfir 8,0 í aðaleinkunn eru Prýði, Hvellhetta og Hetta en hún var í íslenska landsliðinu á nýafstöðnu heimsmeistaramóti. Faðir Esterar er Gustur frá Hóli, sem er með heiðursverðlaun fyrir afkvæmi og vart þarf að kynna meira. Ester er harðviljug flugvökur alhliðahryssa, þetta var í fyrsta skipti sem Ester kom til dóms.

Dómurinn hennar hljóðar þannig: Sköpulag 8,0  8,0  8,0  8,0  8,0  8,0  8,0  9.0 Samtals  8,04  Hæfileikar: 8,0  7,0  9.0  7,5  8,5  8,0  7,5  Hægt tölt  7,5  Hægt stökk  7,0  Samtals  8,05  Aðaleinkunn 8,04  

 Ester frá Ketilsstöðum, knapi var Bergur Jónsson.   Myndir: Gangmyllan

Við sýndum fimm hross úr okkar ræktun á síðssumarssýningunni á Hellu, fjögur í fyrsta sinn og eitt endursýnt. Elsta hrossið sem var sýnt er Myrra frá Syðri Gegnishólum, hún er í eigu Eir Kvernstuen, sem vann hér hjá okkur í mörg ár. Eir fékk í 25 ára afmælisgjöf að halda Myllu frá Selfossi og Myrra varð til. Svo flutti Eir til Noregs og Myrra var sett í folaldseign þegar hún hafði aldur til og átti tvö folöld áður en hún var tamin. Mylla, móðir Myrru er undan Musku frá Stangarholti og Kolfinni frá Kjarnholtum. Mylla hlaut 8,15 í aðaleinkunn fimm vetra gömul eftir vetrar tamningu. Faðir Myrru er Sveinn Hervar frá Þúfu sem er með fyrstu verðlaun fyrir afkvæmi og mikill keppnishestafaðir. Nú er Myrra sjö vetra og hlaut hún í aðaleinkunn 7, 76. Myrra er mjög efnilegur fjórgangari, næm, léttgeng og glæsileg, en vantar svolítið upp á styrkinn og ferðina enn til að hún geti sýnt fyrir alvöru hvað í sér býr.

Dómurinn hennar varð svona: Sköpulag 8,5  8,5  8,0  8,0  8,0  7,0  8,0  6,5  Samtals  8,03  Hæfileikar  8,0  8,0  5,0  8,0  8,0  8,5  8,0  Hægt tölt 8,5  Hægt stökk  8,5  Samtals 7,58  Aðaleinkunn  7,76

Myrra frá Syðri Gegnishólum, knapi Olil Amble. 
Myndir Gangmyllan.

Tókum þátt með nokkra hesta á suðurlandsmótinu og gekk það bara vel. Urðum að keppa í fyrsta flokki þar sem þetta var fyrsta keppni flestra þeirra og voru þeir því ekki með einkunn til að taka þátt í meistaraflokki. Einn kom fram í meistaraflokki en það var hann Háfeti frá Leirulæk og endaði hann í fjórða sæti í fjórgangi, langt frá sínu besta, enda hefur hann ekki verið í mikilli þjálfun í sumar vegna tímaleysis, því miður.

Við sýndum þrjá hesta í fjórgangi 1.flokks, en það voru hálfsystkinin Fálmar, Gramur og Frami, Fálmar er undan Þernu, Gramur undan Musku og Frami undan Framkvæmd og faðir þeirra allra er Sveinn Hervar frá Þúfu. Fálmar sem er 6 vetra varð í fjórða sæti eftir forkeppni með 6,63, Gramur í öðru sæti með 7,87 og Frami í sjötta sæti með 6,50. Gramur vann síðan úrslitin með 7,07 og Frami endaði í áttunda sæti með 6,73.

Sprengja tók þátt í tölti í fyrsta flokki og var í efsta sæti ásamt öðru hrossi eftir forkeppni  með 7,13 og vann síðan úrslitin með 7,39.

Vel var staðið að mótinu og gott mál að skipta því í tvennt til að þurfa ekki að vera í viku samhangandi á Hellu, en aðeins í tvo daga í senn, einfalt og gott. Vonandi verður framhald á því.

             Myndir: Gangmyllan

Síðastliðna helgi var haldið suðurlandsmót yngri flokka og tóku dætur okkar þær Brynja og Berglind þátt ásamt Brynju Kristinsdóttir sem hefur verið hér hjá okkur í sumar. Þær stóðu sig með stakri prýði og riðu allar A-úrslit. Brynja varð í fjórða sæti í fjórgang ungmenna á Vakari frá Ketilsstöðum, Berglind varð önnur í tölti ungmenna á Simba frá Ketilsstöðum og Brynja Kristins vann fjórgang unglinga og reið sig inn í A-úrslit í tölti á Tryggva Geir frá Steinnesi, síðan reið hún sig inn í A-úslit í tölti og fjórgangi á Reisn frá Ketilsstöðum en reið síðan töltið á henni og lenti í 6.sæti. Brynja K. reið einnig Blúndu frá Akrakoti í fimmgangi og varð önnur þar og varð fjórða í gæðingaskeiði.

Mynd 1 og 2, Brynja og Vakar. Mynd 3 og 4 Berglind og Simbi. Mynd 5, Brynja Kristinsdóttir og Tryggvi Geir frá Steinnesi. Mynd 6, Brynja K. og Reisn frá Ketilsstöðum og mynd 7, Brynja K á Blúndu frá Akrakoti.

Myndir: Gangmyllan

Sprengja frá Ketilsstöðum er 7 vetra klárhryssa undan Ljónslöpp frá Ketilsstöðum og Gígjari frá Auðsholtshjáleigu. Ljónslöpp er með heiðursverðlaun fyrir afkvæmi og er undan Snekkju frá sama bæ og Oddi frá Selfossi. Sprengja er fimmta afkvæmið hennar Ljónslappar sem er að fara yfir 8,00 í aðaleinkunn. En hin eru Tjörvi, Ljóni, Hlébarði og Katla og svo eru Brana og Simbi í rétt tæplega 8,00. Gígjar frá Auðsholtshjáleigu er með 1 verðlaun fyrir afkvæmi og er undan Hrafntinnu frá Reykjavík og Orra frá Þúfu.

Sprengja var synd fyrst í kynbótadóm sex vetra gömul og hlaut í aðaleinkunn 7,91.. Sprengja er kraftmikil og efnileg tölthryssa með mikla útgeislun og erum við nokkuð viss með að hún komi til með að henta vel í töltkeppni. Í ár hækkaði hún dóminn sinn töluvert, dómurinn hennar varð þannig: Sköpulag: 8,0  8,5  8,5  7,5  8,0  7,0  8,0  8,0  samtals 7,99

Hæfileikar: 9,0  8,5  5,0  8,0  8,5  9,0  8,0  Samtals 8,05  hægt tölt 9,0  Hægt stökk 5,0  Aðaleinkunn 8,03

Sprengja frá Ketilsstöðum, knapi Olil Amble  Myndir Gangmyllan

Jörmuni frá Syðri Gegnishólum er fimm vetra alhliðahestur undan Musku frá Stangarholti og Álfasteini frá Selfossi. Muska drapst aðeins 15 vetra gömul, Jörmuni er yngsta afkvæmið hennar og fimmta afkvæmið til að fara yfir 8,00 í aðaleinkunn. En hin eru Mylla og Gráhildur sem eru hér í ræktun og svo albræðurnir Gormur og Gramur. Muska var undan Muggu frá Kleifum, sem enn er til hér hjá okkur, kominn á ellilaun 31 vetra gömul og faðir hennar var Frami frá Bakka, sem var undan Söndru frá sama bæ, en hún var móðir Baldurs. Faðir Jörmuna er Álfasteinn frá Selfossi sem er undan Álfadísi frá Selfossi og Keili frá Miðsitju, þessi hross þarf vart að kynna meira í bili. Jörmuni fæddist í byrjun maí og var stórt sterklegt og myndarlegt folald þegar móðir hans var sett í girðingu til Kraflars. Hin folöldin sem voru þar voru svo ung að þau áttu litla samleið, er þau voru mjög háð mæðrum sinum og hann tilbúinn til að skoða heimin. Úr varð að hann fór að elta Kraflar þegar hann for sinar daglegu ferðir um girðinguna sina til að athuga gang mála. Var það skemmtileg sjón að sjá folaldið á stökki við hliðina a stóðhestinum en Kraflar leyfði honum að vera með og úr þessu fékk hann gælunafnið "Aðstoðarmaðurinn"

Jörmuni kom fyrst til dóms fjögurra vetra gamall og fékk þá 7,89 í aðaleinkunn, Fjögurra vetra var hann mjög stór og háfættur og ekki nægur vöðvamassi til að fylgja hreyfingum sinum eftir og varð hann frekar óspennandi að sjá, lagði brattur af stað í hverja ferð en fjaraði siðan út. I ár styrktist hann mikið og mætti hann aftur til dóms núna í sumar og var mikil breyting á honum, allur kraftmeiri, hreyfingarmeiri og uppi. Jörmuni er mjög efnilegur fimmgangari og er með fimm jafnar og góðar gangtegundir. Dómurinn hans varð svona núna: Sköpulag 8.0  8,0  8,5  9,0  7,5  8,0  8,5  8,0  8,23

Hæfileikar: 8,0  8,0  8,5  8,0  8,5  8,0  8,5  Samtals 8,19 Hægt tölt 7,5 Hægt stökk 7,5 Aðaleinkunn 8,21

Jörmuni frá Syðri Gegnishólum, knapi Jakob Sigurðsson. Myndir: Gangmyllan

Sylgja er fimm vetra klárhryssa undan Spes og Natani frá Ketilsstöðum . Spes er undan Þernu frá Ketilsstöðum, sem hefur gefið úvalsklárhross oftast en einnig eru til nokkur alhliðahross undan henni. Systkini Spesar að  móðurinni til sem hafa hlotið fyrstu verðlaun eru, Þjónn, Krafla, Kraflar og svo Fálmar sem er albróðir Spesar. Fleiri af afkvæmum hennar eru með 9,5 fyrir gangtegundir. Faðir Spesar er Sveinn Hervar frá Þúfu  sem er með fyrstu verðlaun fyrir afkvæmi og hefur gefið keppnishross i bunkum , að mestu klárhross. Faðir Sylgju er Natan frá Ketilsstöðum, sem dó fyrir aldur framm en undan honum hafa komið snillings hestar eins og Narri frá Vestri Leirárgörðum og Þröstur frá Efri Gegnishólum. Natan er undan Væntingu frá Ketilsstöðum, sem er einnig móðir Stemningar  og faðir hans er Kolfinnur frá Kjarnholtum.

Spes móðir Sylgju hlaut 8,09 í aðaleinkunn fimm vetra gömul og er fyndið að bera saman dóma mæðgnanna en þær eru t,d báðar með 7, 89 fyrir sköpulag og þótt ekki séu allar tölur eins eru þær allar í takti, enda er Sylgja eins og snýtt út úr nös móður sinnar og þar sem munar á er frekar um að ræða utanaðkomandi áhrif. Breyting á vægi í útreikningi gerir bilið á milli mæðgnanna meira. Spes fór siðan í sinn hæsta dóm 6 vetra gömul 8,20 m.a, 4x 9,0 og 2 x 9,5 í hæfileikadóm. Sylgja er elsta afkvæmi móðir sinnar og hefur borið gælunafnið Gorma, vegna þess hvað hún hreyfði sig með miklum og fjaðrandi hreyfingum sem folald og tryppi. Til gamans má geta að Sylgja heitir í höfuðið á langömmu sinni sem átti aðeins Þernu, áður en hún var seld til Þyskalands og hafa engar fréttir borist af henni siðan. Ellen Thamdrup tamdi hana á sinum tima og ber henni mikið gott orð og á henni mátti lesa á millli línanna að hún væri ekki endilega sammála þvi að hún væri seld úr ræktun, sem auðvitað varð að gera stundum til að láta dæmið ganga upp.

Dómurinn hennar Sylgju hljóðar svona: Sköpulag: 8,0  8,0  8,0  8,0  8,0  8,0  7,5  7,0  Samtals 7,89

Kostir: 8,5  8,5  5,0  8,5  8,5 9,0  8,0  Samtals 7,97  Hægt tölt 9,0  Hægt stökk 9,0  Aðaleinkunn  7,94

Sylgja frá Ketilsstöðum, knapi Elin Holst. Myndir: Gangmyllan.

Ísbrá frá Ketilsstöðum er fimm vetra klárhryssa undan Brá frá Ketilsstöðum og Álfasteini frá Selfossi. Brá er undan Senu frá sama bæ og Orra frá þúfu og eru systkini hennar sammæðra, yfir átta m.a Grábrá og Kristall, bæði klárhross. Álfasteinn er undan Álfadísi frá Selfossi og Keili frá Miðsitju. Ísbrá var sýnd í fyrsta sinn á miðssumarssyningunni og var útkoman síðri en við bjuggumst við m.a kom hún ekkert vel ut úr byggingadómi en Ísbrá er bráðefnileg klárhryssa og er töltið og viljinn úrval. Ég reikna alveg eins með því að sýna hana aftur á síðssumarssýningunni.

Dómurinn hennar er svohljóðandi: Sköpulag: 7,5  8,0  8,0  7,5  8,0  7,5  8,0  6,5  Samtals 7,78 

Hæfileikar: 8,5  8,0  5,0  8,0  8,5  8,0  8,5  Samtals 7,73  Hægt tölt 8,5  Hægt stökk 8,0 Aðaleinkunn 7,75

Ísbrá frá Ketilsstöðum, knapi Olil Amble. Myndir: Gangmyllan

Grábrók er fjögurra vetra alhliðahryssa undan Gráhildi frá Selfossi og Kraflari frá Ketilsstöðum. Gráhildur er undan Musku frá Stangarholti og Randver frá Nýjabæ. Grábrók er þriðja afkvæmi móðir sinnar til að vera tamið en eldri systir hennar Gersemi fór í 7,90 fjögurra vetra og svo í flottan dóm í fyrra fimm vetra gömul, 8,21. Kraflar er undan Ægi og Þernu frá Ketilsstöðum og er sjálfur með flottan dóm, m.a 9,5 fyrir hægt stökk og hægt tölt og 8,28 í aðaleinkunn, en Grábrók er fyrsta afkvæmið hans til að koma í dóm. Grábrók er efnileg alhliðahryssa með góðar hægar gangtegundir, við erum sátt við að hún hafi náð lágmörkum til þáttöku á LM þótt hún hafi ekki náð yfir átta. Dómurinn hennar varð þannig: 

Sköpulag: 7,5  8,0  7,5  8,5  8,0  7,5  8,5  7,5  samtals 8,04

Hæfileikar: 8,0  8,0  8,0  7,5  8,0  8,0  7,5 Samtals 7,93  Hægt tölt 8,0  Hægt stökk  8,0  Aðaleinkunn 7,97 

Grábrók frá Syðri Gegnishólum, knapi Elin Holst. Myndir: Gangmyllan.

Fróði frá Ketilsstöðum er fjögurra vetra alhliðahestur undan Framkvæmd frá Ketilsstöðum og Álfi frá Selfossi. Framkvæmd er undan Hugmynd fra sama bæ og Hrafni frá Holtsmúla. Álfur frá Selfossi er undan Orra frá Þúfu og Álfadísi frá Selfossi og það vill svo til að öll þessi hross eru með heiðursverðlaun fyrir afkvæmi. Það getur verið erfitt fyrir ungan hest að standa undir þessum væntingum enda gerði hann það ekki að þessu sinni.Sýningin gékk ekki alveg upp, þótt að ég haldi að ekki hafi verið erfitt að sjá í honum hestefnið, enda bullandi rúmur á öllum gangi. Skeiðið tókst ekki í þetta sinn og varð dómurinn hans svohljóðandi:

Sköpulag: 8,0  8,0  8,0  8,0  8,0  7,5  8,0  8,0  Samtals 7,96

Kostir: 8,0  7,5  7,0  8,0  8,5  8,0  7,5 samtals 7,81  Hægt tölt 8,0  Hægt stökk 7,0    Aðaleinkunn: 7,87

Fróði frá Ketilsstöðum, knapi Jakob Sigurðsson. Mynd: Gangmyllan

 Sýndum sjö hross á miðsumarssýningu á Hellu í síðustu viku.  Bóla frá Syðri Gegnishólum er undan Grýlu frá Stangarholti sem er undan Spurningu frá Kleifum og Kolfinni frá Kjarnholtum. Kolfinn þarf vart að kynna en Grýla er m.a. móðir Álfadísar og er Bóla fimmta afkvæmi hennar til að fara yfir 8,0 í aðaleinkunn.

Faðir Bólu er Vakar frá Ketilsstöðum sem er með 8,25 í aðaleinkunn, m.a. sex x 9.0 í hæfileikadóm, móðir hans er heiðursverðlaunahryssan Vakning frá Ketilsstöðum og faðir er Brjánn frá Reykjavík, sem er búinn að standa sig frábærlega í íþróttakeppni í Þýskalandi undanfarin ár.

Bóla er fjögurra vetra gömul, efnileg alhliðahryssa, dómurinn hennar varð þannig: 

Sköpulag: 7,5  8,0  8,5  8,0  7,5  8,0  8,0  7.0  Samtals 7,89

Kostir: 8,5  8,0  7,5,  8,0  8,5  8,5  7,5  Samtals 8,17

Hægt tölt 8,0 og hægt stökk 8,0  Aðaleinkunn 8,06 

Bóla frá Syðri Gegnishólum, knapi Jakob Sigurðsson  Myndir: Gangmyllan

Var að fá sendar myndirnar frá Þyska meistaramótinu af Hauki Tryggvasyni og Hettu frá Ketilsstöðum þar sem þau sigruðu fimmganginn. Birti þær núna eins og ég var búin að lofa.

         Myndir: Ulrich Neddens 

Þegar við vorum í þýskalandi nýttum við tækifærið og heimsóttum Álfastein þar sem hann er staddur hjá Engelfjölskyldunni í Lindlar. Hann er búinn að vera staðsettur hjá þeim undanfarin þrjú ár og hefur verið mikið notaður af þeim og öðrum. Hann var í stórri og grasgóðri girðingu með fullt af hryssum en hann hafði samt alveg tíma til að heilsa upp á mig. Gaman var að sjá hvað hann var í flottu standi andlega og líkamlega. Nú er ævintýrið í Þýskalandi búið í bili, þriggja ára leiga búin og Álfsteinn á förum í haust, ekki veit ég hvert en vonandi verður það á stað í sama gæðaflokki og þessum stað.

Yndislegt að hitta gamlan félaga í góðu standi, Álfasteinn og Olil, mynd Nina Engel

Vorum að koma frá Þýskalandi, en þar vorum við m.a áhorfendur að þýska meistaramótinu, sem haldið var í Lindlar hjá Engel fjölskyldunni en þau eru með fyrirtæki sem heitir Töltmyllan. Aðstaðan var hin glæsilegasta að öllu leyti og mikið af flottum hestum. Bestu hestarnir í öllum flokkum voru á heimsmælikvarða og gaman verður að sjá hvernig þeim gengur á HM

.Mest gaman fyrir okkur var auðvitað að Hetta frá Ketilsstöðum vann fimmgangin, 7, 73 í forkeppni og í úrslitum 7,76. Ég er nú nýbúin að skrifa um Hettu hér á heimasíðunni hjá okkur en svona rétt til upprifjunnar þá er hún undan Hlín frá Ketilsstöðum og Álfasteini frá Selfossi, ss enn eitt góða hrossið sem kemur út úr þessum blóðlínum; Ketilsstaðir/Kleifar.Haukur Tryggvason sýndi Hettu frábærlega, allar gangtegundir sterkar, auk þess hefur Hetta hefur mikla útgeislun og ef svo má að orði komast daðraði hún við áhorfendur og var klappað fyrir frá upphafi til enda sýningar

.Gaman er frá því að segja að þetta er annað úrtökumótið í röð þar sem hún hefur unnið fimmganginn, en hún sigraði líka í Nauler fyrir rétt um mánuði síðan en það var sameiginlegt úrtökumót Þjóðverja og Svisslendinga. Það að íslendingar geta verðið með svona par eins og Hauk og Hettu á varamannabekknum segir auðvitað bara hversu sterkt islenska liðið er, áfram Ísland.

Á góðri stundu, Hetta, Bergur, Haukur Tryggvason, Olil og Nina Engel eigandi Hettu. Mynd Dennis Engel.

Er að bíða eftir myndum af Hauki og Hettu í keppni sem ég birti hér á heimsiðunni um leið og þær berast.