Jæja þá er komið nýtt ár, gleðilegt ár og takk fyrir það gamla. Hér líða jól og áramót rólega og huggulega án þess að við gerum mikið úr því. En eitt geri ég þó oftast og það er að strengja áramótaheit.

Í þetta sinn gerði ég það líka, í nokkur ár hefur það verið heimasíðan, læra á tölvu, gera heimasíðu, verða sýnilegri , koma okkur meira á framfæri. Þetta er nú búið að takast þokkalega þó það hafi tekið meiri tíma en áætlað var. Enda ekki svo langt síðan ég sat fyrir framan nýkeypta tölvu og ætlaði að prófa hana og mikið var hlegið þegar krakkarnir áttuðu sig á að ég gæti ekki einu sinni tvíklikkað. 

Síðan eru liðin nokkur ár og með hjálp barna minna og allra sem hafa komið hér  og ég hafi haft trú á að geti eitthvað á tölvu, nokkura tölvutima og siðast en ekki síst með hjálp og þolinmæði Einars Vals vinar míns, sem hefur verið okkar helsti ráðgjafi, lagað og gert við tölvuna og meira að segja komið til að stinga henni í samband, en þetta er nú farið að ganga  nokkuð vel.

Ég er orðin nokkuð sjálfbjarga..........en sem sagt, eftir þessi söguágrip er það það sem ég ætlaði að skrifa um og það er áramótaheitið. Það er að gera nýja sölusíðu, skemmtilega og auðvelda með videói og svo er það mál málanna, að setja fréttirnar á ensku. Við áttum auðvitað að vera löngu búin að því en svona er þetta nú samt. 

• Prev
• Next