Þá er Íslansmótinu á Selfossi lokið og þar gekk á ýmsu hjá okkur. Bergur keppti á Flugni á gæðingaskeiði og ég keppti á Kraflari í tölti og fjórgangi.  Bergur hlaut 7,0  í aðaleinkunn sem er ágætis bæting síðan í vor og ágætis árangur þar sem Flugnir er aðeins 6 vetra gamall. Það var greinilegt að hann var þreyttur síðan á Landsmótinu, vantaði kraftinn í hann enda var hann látinn skeiða ófáa spretti á Landsmótinu.

Við Kraflar fórum vel af stað, leiddum fjórganginn með 7,63 0g lentum í 7.sæti í tölti með 7,83. Ég dró mig siðan úr B-úrslitum í tölti og reið fjórgangsúrslitin. Það fór nú ekki betur en svo að hann hoppaði tvisvar upp á stökk á brokkinu, í fyrra skiptið var hann ekki almennilega lagstur en seinna skiptið var strik í brautinni, far eftir skóflu, einhver hafði mokað og skilið eftir sig far og það fannst honum hættulegt svo hann stökk yfir það. Hann gerði það reyndar á hægu tölti líka en það varð bara eitt hopp þar. Þetta kostaði okkur allavega gullið. Mjótt var á munum og í forkeppnini fékk Kraflar þrisvar 9,0 fyrir brokk en í úrslitunum hlaut hann hæðst 8,0 og niður í 6,5. Svona er keppnin og þetta fór til fjandans, ég gerði eins vel og ég gat en það dugði hreinlega ekki til, maður verður að hafa heppnina með sér líka.

Set inn nokkrar gamlar myndir, þar sem linsan á myndavéllini er búin að gefa sig og þarf að fara í viðgerð.