Árangur í kynbótadómum 2014

Nú eru allar kynbótasýningar búnar á þessu ári og við hæfi að fara yfir árangur ræktunarbúsins okkar, Ketilsstaðir/Syðri Gegnishólar í kynbótasýningum á þessu ári 2014.

Á þessu ári komu 18 hross frá okkar ræktun til dóms, öll þeirra utan eins hlutu fyrstu verðlaun.

14 þessara hrossa voru sýnd á Íslandi og 4 í Þýskalandi. Af hrossum sýndum á Íslandi unnu 9 sér inn þáttökurétt á Landsmótinu en 7 þeirra voru endursýnd þar.

Af þessum sjö hrossum náðu þrjú þeirra að vera meðal 10 efsu, en það voru Álfhildur 8,52 og hlaut hún efsta sætið í 6 vetra flokki hryssna, Snekkja 8,41 í fjórða sæti í 5 vera flokki hryssna og Álfastjarna með 8,23 og sjöunda sæti í flokki 4 vetra hryssna.

Af hrossum sýndum í Þýskalandi náðu einnig tvö hross lágmarki til þáttöku á Landsmóti en þessi fjögur hross voru öll áður sýnd á Íslandi í svipuðum tölum og þau hlutu nú.

Á síðsumarssýningu á Gaddstaðaflötum endursýndum við tvö hross sem hækkuðu sig bæði töluvert mikið, en í vor gekk ekki sem skyldi með þau.

Einungis voru sýnd tvö fjögurra vetra hross á árinu, langt undir okkar vonum. Hlutirnir breyttust á síðastu stundu og best er að læra af reynslunni eitt skipti fyrir öll og vera ekkert að tjá sig oftar um tilvonandi afköst þeirra. Hversu efnileg sem þau virðist vera er ekkert í hendi í þeim efnum.

Hrossin sem sýnd voru á þessu ári eru:

Álfhildur frá Syðri Gegnishólum 6 vetra 8,52

Snekkja frá Ketilsstöðum 5 vetra 8,42

Álfarinn frá Syðri Gegnishólum 5 vetra 8,40

Álffinnur frá Syðri Gegnishólum 7 vetra 8,37

Frami frá Ketilsstöðum 7 vetra 8,35

Katla frá Ketilsstöðum 6 vetra 8,33

Jörmuni frá Syðri Gegnishólum 6 vetra 8,32

Tibrá frá Ketilsstöðum 5 vetra 8,25

Álfastjarna frá Syðri Gegnishólum 4 vetra 8,23

Hvellhetta frá Ketilsstöðum 7 vetra 8,20

Fróði frá Ketilsstöðum 5 vetra 8,15

Drift frá Ketilsstöðum 8 vetra 8,15

Bóla frá Syðri Gegnishólum 5 vetra 8,10

Goði frá Ketilsstöðum 4 vetra 8,08

Grábrók frá Syðri Gegnishólum 5 vetra 8,07

Sylgja frá Ketilsstöðum 6 vetra 8,05

Júliana frá Ketilsstöðum 5 vetra 8,04

Synd frá Ketilsstöðum 7 vetra 7,90

Aðaleinkunn 18 hrossa eru 8,22 og meðalaldur þeirra eru 5,7 ár. 17 af 18 hrossum yfir átta, sem þýðir að við erum með 94,4% hrossa í fyrstu verðlaun. Til gamans má geta að ellefu þessara hrossa eru undan bæði hryssum og hestum ræktuðum af okkur.

Árangur í kynbótadómum 2014

Til Sölu

Hilbar Katla hnakkur