Frábæru Word Ranking móti Sleipnis er lokið, það voru margir frábærir hestar og knapar að keppa á þessu sterka móti. Okkar teymi gekk bæði upp og niður en þó að mestu leiti gekk vel. Elin og Frami gerðu það gott með þrjú gull, í V1, T2 og samanlögðu. Bergur og Katla voru ekki upp á sitt besta svo þau enduðu í þriðja sæti í T1 og því fimmta í fjórgangi.
Freyja og Álfastjarna eru á uppleið að því er sýnist og lentu í áttunda sæti í fjórgangi með 7,23 / 7,43 og í fjórða sæti í T1 með 7,50/7,50.

{gallery}WR Sleipnir 2017 final{/gallery}

Góður dagur í dag á IÞróttamótinu. Elin leiðir T2 slaktaumatöltinu og Bergur leiðir og Freyja í þriðja sæti í T1 tölt meistaraflokks.
Spennandi dagur á morgun.

{gallery}WRIthrottamotSleipnis2017Laugardagur{/gallery}

World Ranking íþróttamót á Selfossi, 4 gangur Meistaraflokkur, Bergur og Katla 7,77 Elin og Frami 7,70, Freyja og Álfastjarna 7,23 og Brynja og Goði 6,40. Tvö A úrslit og ein B úrslít í kvöld.

{gallery}WRIthrottamotSleipnis2017{/gallery}

Timinn flýgur, nú þegar hafa liðið tvö ár siðan þessi mynd var tekin á kynbótasýningu í Hafnarfirði.

{gallery}BergurAtli{/gallery} 

Þetta litla fallega folald fæddist í fyrradag 14. maí 2017. Móðir þess er Silfurtá frá Syðri Gegnishólum (Suðri frá Holtsmúla and Mylla frá Selfossi) og faðir er Ljósálfur frá Syðri Gegnishólum (Álfadís frá Selfossi og Lord frá Vatnsleysu).
Silfurtá var litilega tamin en aldrei sýnd í kynbótadómi sökum þess að hún slasaði sig alvarlega veturgömul.

{gallery}SilfurtaFoal2017{/gallery}

Þetta fallega hestfolald fæddist 13. maí, móðir er Heilladís frá Selfossi og faðir er Krákur frá Blesastöðum. Heilladís er elsta dóttir Álfadísar frá Selfossi og faðir hennar er Suðri frá Holtsmúla.

 {gallery}HeilladisarSonur2017{/gallery}

Þessi yndislega hryssa fæddist í fyrradag, 12 maí, námkvæmlega eins og ég vonaðist eftir. Þetta er sextánda folald Álfadísar og fyrsta rauðskjótta hryssan. Faðir hennar er Sveinn-Hervar frá Þúfu, hestur sem ég hef haldið uppá alla tíð enda hélt ég í fyrsta sinn undir hann þegar hann var fimm vetra gamall og ekki enn kominn með 1. verðlaun. Þarna sá ég mikið keppnishests efni og reyndíst það rétt því ég hygg að fáir hestar hafi gefið eins marga afkasta keppnishesta og einmitt Sveinn Hervar.

{gallery}AlfadisFilly2017{/gallery}

Hér eru nokrar myndir af Stúdent 7 vetra, aðaleinkunn 8,47. Hann kom fram á stóðhestadegi Eiðfaxa fyrir rúmri viku. Móðir er Orka frá Gautavík og faðir er Álffinnur frá Syðri Gegnishólum. Stúdent er myndarlegur og jafnvígur alhliða hestur og sýndi sig vel.

{gallery}SEStudent2017{/gallery}

Fórum austur að Ketilsstöðum með tryppin í vikunni, þetta skemmtilega myndbrot var tekið þá, en eldri hrossin voru svo spennt að fá til sín veturgömlu tryppin að þau fóru mörgum sinnum uppá vagninn til að reyna að sækja þau.

Veturgömul í Ketilsstaði

Loksins er það komið í heiminn, fyrsta folald ársins. Móðir er Vænting frá Ketilsstöðum(Móðir m.a Natans) og faðir er Ljósálfur frá Syðri-Gegnishólum (Álfadís og Lord frá Vatnsleysu).

 {gallery}FyrstaFolald2017{/gallery}

Stóðhestadagur Eiðfaxa var í gær og sýndum við fjóra hesta. Birti hér nokkar myndir af Álfgrími þar sem hann er sá eini þeirra sem hvergi hefur komið fram á þessu ári. Álfgrímur var með brotinn jaxl sem var tekinn í byrjun janúar og fór drjúgur tími í að jafna sig því þetta reyndist töluvert meira inngrip en okkur grunaði. Hesturinn stóð sig vel þó það muni þó nokkru að hann sé kominn með fullan styrk.

Brynja og Goði voru á sýningunni og áttu flotta sýningu, sjá myndir af þeim í albúminu.
Elin og Frami sýndu sig vel á stóðhestadeginum og nokkrar myndir af þeim eru í albúminu líka.

{gallery}StodhestadagurEidfaxa2017{/gallery}

Engin folöld komin enn en okkur finnst Vænting frá Ketilsstöðum ansi efnileg. Veðrið er sumarlegt og við bíðum spennt eftir folöldunum.

{gallery}2mai2017{/gallery}

Venjulegur vinnudagur hjá okkur við þjálfun hesta og knapa.

{gallery}Vinnudagur2Mai2017{/gallery}

Gæðingafimi Hrimnis og Hólaskóla fór fram í dag. Freyja Amble Gísladóttir á Álfastjörnu frá Syðri Gegnishólum var í fyrsta sæti með glæsilega einkunn uppá 8,55. Brynja Amble Gísladóttir reið Goða frá Ketilsstöðum í 6. sæti.

Nokkrar sekúndur frá sýningu Freyju og Álfastjörnu

{gallery}HrimnisFimi2017{/gallery} 

Brynja var kynnt til leiks í Gæðingafimi Hrímnis sem fram fer 29. apríl 2017 í Samskipahöllinni.

Brynja á að baki flottan keppnisferil þrátt fyrir ungan aldur og ber þá að nefna glæsilegan árangur hennar með hryssuna Sprengju frá Ketilsstöðum. Brynja er fyrirmyndar knapi og erum við spennt að sjá hvað hún hefur fram að færa í gæðingafiminni þann 29. apríl i Samskipahölinni!

Undirbúningurinn var tekinn alvarlega eins og myndirnar sýna.

{gallery}Brynja Keppir i Fimi 2017{/gallery}