Í gær vorum við með opið hús á Syðri Gegnishólum og tókst það mjög vel. Fengum við gesti frá Hollandi, Þýskalandi, Danmörku, Noregi, Svíþjóð, Swiss, Bandaríkjunum og auðvitað héðan frá Íslandi. Við buðum upp á léttar veitingar, kaffi og gos. Í litlu hólfi heima vorum við með Grýlu, Álfadísi og ónefnda Sæsdóttir og Heilladísi til sýnis. Hesthúsið var fullt af hrossum, 1.verðlauna graðhestum, hryssum og geldingum sem flest eru til sölu. Þetta tókst mjög vel og hátt í þrjúhundruð gestir heimsóttu okkur og þökkum við þeim fyrir komuna.

Nú erum við búin að búa til síðu fyrir Álfarinn frá Syðri Gegnishólum, vegna mikils áhuga á honum. Álfarinn er albróðir Álfasteins frá Selfossi og er þriggja vetra gamall. Inni á síðunni er að finna myndasyrpu sem tekin var af honum í fyrra vor, tveggja vetra gömlum og væri sniðugt fyrir sem þá hafa áhuga á honum að skoða myndirnar. Eins og er ,eru bara myndir af honum, en bráðum verða allar upplýsingar um ættir og notkun þar að finna. Álfarinn verður hér hjá okkur í allt sumar og enn eru nokkur laus pláss undir hann. Hafið samband við Olil á This email address is being protected from spambots. You need JavaScript enabled to view it. .Til að skoða síðuna hans ýtið þið fyrst á "Gangmyllan- Ræktun" svo "Stóðhestar- Allir" og svo er valinn Álfarinn frá Syðri Gegnishólum.

Álfarinn frá Syðri Gegnishólum, þegar hann var 2 vetra gamall. Mynd: Gangmyllan.

Í gær var Natan felldur eftir að hann lenti í  slysi hér heima. Natan var ellefu vetra gamall, sonur Væntingar frá Ketilsstöðum og Kolfinns frá Kjarnholtum. Natan varð fyrir alvarlegu slysi þegar hann var veturgamall, en þá sleit hann sin á afturfæti. Síðan var löng sjúkrasaga sem endaði með  því að það tókst að temja og sýna hann fimm vetra gamlan. Þá hlaut hann sinn hæðsta dóm sem var 8,40, þar af 9,0 fyrir tölt og fegurð í reið. Natan hefur verið frekar vinsæll og fengið drjúga notkun á hverju ári, enda talinn álitlegur kostur fyrir þá sem eru að leita sér að sonum Kolfinns frá Kjarnholtum. Afkvæmi Natans eru mörg fótahá og bollétt, hágeng og gangmikil . Í fyrra var Natan í Hestheimum og í ár átti hann að vera í Steinnesi í Húnavatnssyslu. Það er eftirsjá hjá okkur af Natan en við huggum okkur með að við eigum nokkur mjög flott afkvæmi undan honum sem við vonum að komi vel út. 

Natan 2010                          Dóttir Natans sem fæddist örfáum klukkutímum eftir að hann féll, móðir hans er Drífa frá Syðstu Grund.
Myndir: Gangmyllan

Verð að koma með fréttirnar strax, en það var að koma í ljós að Álfarinn er í toppstandi. Eins og við höfum sagt frá, gekk ekki vel hjá honum að fylja hryssur í fyrra en aðeins ein hryssa kastar við honum í ár. Upp komu getgátur um að mikil lyfjagjöf móðurinnar, meðan hann var á fósturstigi, hafi haft áhrif á þroska hans. Álfadís slasaðist lítillega þegar hún var í girðingunni hjá Keili sem leiddi til þess að hún fékk sýkingu í lið og á timabili leit þetta ekki vel út og á þeim tímapunkti var hætt að hugsa um fóstrið og allt sett í að bjarga henni og fylja síðan aftur enda var talið nokkuð víst að hún myndi láta í kjölfarið. Þetta sumar og haust var hún sónuð marg oft en hún hélt fylinu þannig að við létum hana halda því vonuðum það besta. Þegar síðan kom í ljós að hann fyljaði illa í fyrra var maður farinn að velta því fyrir sér hvort maður hafi tekið ranga ákvörðun á sínum tíma. Í vor var tekið úr honum sýni og þá kom í ljós að allt virtist vera í lagi nema það að hann var með sýkingu sem hann var meðhöndladur við en hugsanlegt er að það hafi bara verið hún sem var að stríða hann í fyrra. Í morgun fórum við með Álfarinn i Sandhólaferju en þar átti hann að vera í nokkra daga til þess að rannsaka úr honum sæðið. Guðmar í Sandhólaferju tók úr honum sæði strax þegar hann kom og reyndist það vera í svo góðu lagi að hann sagðist treysta sér til að sæða tuttugu hryssur með þessum eina skammti. Að því sögðu sendi hann okkur heim með hestinn. Þetta eru auðvitað mjög góðar fréttir enda er Álfarinn gullfallegur sonur Álfadísar frá Selfossi og Keilis frá Miðsitju, sem sagt albróðir Álfasteins frá Selfossi, sem þykir vera mikil eftirsjá í úr landi. Álfarinn verður í girðingu hér hjá okkur í Syðri Gegnishólum í allt sumar.

Þessar myndir voru teknar af Álfarni í fyrra, en þá var hann tveggja vetra gamall.  Myndir: Gangmyllan

ERUM KOMIN MEÐ NÝ NETFÖNG, erum með This email address is being protected from spambots. You need JavaScript enabled to view it.. This email address is being protected from spambots. You need JavaScript enabled to view it. og This email address is being protected from spambots. You need JavaScript enabled to view it. Gömlu netföngin eru óvirk þannig að þið sem hafið sent okkur póst nýlega og ekki fengið svar skulið senda okkur aftur.

Kveðja frá Bergi og Olil

Í gær fæddist fyrsta folaldið  hjá okkur, en það var hún Gráhildur  sem átti jarpa hryssu. Faðirinn er Álfarinn frá Syðri Gegnishólum, hann er þriggja vetra og er albróðir Álfasteins frá Selfossi. Álfarinn fyljaði bara þessa einu hryssu í fyrra og var talið að mikil lyfjameðhöndlun móðurinnar meðan á fósturstigi stóð gæti haft áhrif á þroska hans. Nú er málið í vinnslu og eins og er litur þetta vel út  og vonumst við eftir að geta haldið undir hann í sumar.

Gráhidur og dóttir hennar sem fæddist 06 05 11.  Myndir: Gangmyllan

Vornum að fá sendar nokkrar myndir af afkvæmi Kraflars til að nota í sambandi við nýja fídusin sem við settum að heimasíðuna, þar sem hægt er að skoða afkvæmi stóðhestanna okkar. Mér finnst þessar myndir svo fallegar að mig langar að birta þær. Eldri hryssan heitir Grábrá, en hún er dóttir Bráar sem er hér í ræktum hjá okkur. Dóttir hennar heitir Ófeig frá Öst og er fædd og í eigu Christinu Bach Sörensen. Christina keypti Grábrá af okkur sem tryppi og flutti hana seinna út til Danmerkur fylfulla við Kraflari. Grábrá er búin að vera reiðhryssa Christinu, utan þess eð Fredrik Rydström tók hana til þjálfunnar í smá tíma og sýndi hana í kynbótadóm og hlaut hún 8,20 fyrir sköpulag, 7,54 fyrir hæfileika og samtals 7,80. Ég er búin að fylgjast með þeim Christinu og Grábrá á náskeiðum í nokkur ár og veit ég að Grábrá á mikið inni í hæfileikum. Nú er Grábrá í þjálfun hjá Trine Risvang,en stefnt ér á að sýna hana í kynbótadóm aftur í vor, og hef ég frétt að þjálfun gangi vel.

Ófeig, Grábrá og Christina             Grábrá                                    Grábrá og Ófeig          Myndir: ?

Það var að ljúka hjá okkur námskeið með Julio Borba, að venju var það fræðandi og skemmtilegt. Það er hægt að bæta endalaust, við erum alltaf að fá punkta, eitthvað sem virðist svo lítið en er samt mikilvægt. Í þetta sinn lögðum við áherslu á taumhringsvinnu á siðari hluta námskeiðsins, ss.  hvernig á að þjálfa hvern einstakling fyrir sig á sem bestan hátt þegar við erum ekki á baki. Hægt er að framkvæma taumhringsvinnu á mismunandi hátt og er eins og fyrr segir er þetta í fyrsta sinn sem ég hef haft gaman af og séð nægan tilgang í þess háttar taumhringsvinnu. Það er alveg hreint ótrúlegt að sjá hverning maðurinn vinnur og hvaða áhrif hann getur haft á hestanna. Allt með sömu markmið og þegar við erum á baki. Sumir hestarnir unnu með hliðartaum, aðrir með taum sem kom upp ámilli framfótanna og svo var unnið með hið svokallaða "pesóa" sem var hannað af manni með sama nafn, en hann var frægur hindrunnarstökksknapi. Miðað var við að unnið væri á stökki með pesóa þó seinna meir væri og er unnið á brokki líka, en pesóa á að styrkja yfirlínuna og bæta stökk.

Myndir: Gangmyllan

Vorum að setja inn nýjan link á heimasíðunni okkar, sem heitir afkvæmi stóðhestanna. Ef farið er inn undir ræktun, svo stóðhestar/allir, þá kemur upp flipi sem á stendur afkvæmi stóðhestanna. Eins kemur tenging inn frá hverjum stóðhesti fyrir sig og myndum af afkvæmum hans.Nú þegar eru komnar inn fullt af myndum af afkvæmum Álffinns en á næstunni koma inn myndir af afkvæmum hinna hestanna líka.Við værum mjög þakklát ef þið sem egið myndum af afkvæmum hestanna okkar mynduð senda okkur myndir af þeim og lofa okkur að nota þær á heimasíðunni.. Vinsamlegast sendið á This email address is being protected from spambots. You need JavaScript enabled to view it..

Sonur Ljónslappar frá Ketilsstöðum og Álffinns frá Syðri Gegnishólum fæddur 2010. Mynd: Gangmyllan

Vorum að fá senda þessa mynd frá Önnu Guðrúnu í  www.fornhagi.is   Hún er af Kvarani frá Fornhaga en hann er á fyrsta vetri undan Ljóna frá Ketilsstöðum og Hörku frá Akureyri. Harka er dóttir Örar frá Akureyri og Kjarki frá Egilsstaðabæ en Harka hlaut 8,13 í aðaleinkunn fimm vetra gömul með m.a 9,0 fyrir vilja og geðslag. Anna Guðrún lýsir Kvaran þanning " Hann er alver risastór, mikill sláni (á vonandi eftir að bæta kjöt á beinin) og fljúgandi gengur. Þetta folald á það til að taka fluga skeiðspretti þegar mikið liggur við en brúkar annars allan gang og fer mikið á tölti. Hann var heilrakaður í marsbyrjun þegar við tókum hann inn og er enn ekki farinn að fá sumarhárinn þannig að liturinn er hálf grámóskulegur ennþá. Hann er annars mjög fallega rauðjarpur á litinn, mikill kappi hann Kvaran."

Kvaran frá Fornhaga, mynd: Anna Guðrún Grétarsdóttir

Þessar myndir voru teknar af Ljóna um daginn, hann er í finu stuði og er alveg búinn að ná sér eftir öll veikindin í fyrra. Ljóni kom fram á Landsmótinu síðastliðið sumar í flokki 7 vetra stóðhesta og eldri og hefur því ekki þáttökurétt í kynbótakeppninni á LM 2012. Stefnt verður með Ljóna eitthvað í keppni í vor en í sumar verður hann í girðingu í Eyjafirði.

Ljóni frá Ketilsstöðum, knapi Bergur Jónsson, Myndir: Gangmyllan

Þröstur frá Efri - Gegnishólum er á fjórða vetur, hann er sonur Hrannar frá Efri - Gegnishólum og Natans frá Ketilsstöðum. Hrönn er með 8,08 í aðaleinkunn og fékk þann dóm 6 vetra gömul. Hæstu einkunnnir fyrir hæfileika er 9,0 fyrir hægt tölt og fegurð í reið. Faðir Hrannar er Hrannar frá Höskuldsstöðum en hann var sonur Ófeigs frá Flugumýri. Eldri bróðir Þrastar er Örn frá Efri - Gegnishólum, en hann er staðsettur í Danmörku þar sem hann hlaut sinn hæsta dóm, 8,51 sjö vetra gamall. Þar af 9,0 fyrir tölt, fet, vilji og fegurð í reið og 9,5 fyrir hægt tölt. Fjögurra vetra gamall fékk hann hins vegar 8,23 í aðaleinkunn þar af 9.0 fyrir vilja og hægt tölt og 9,5 fyrir fet. Þröstur er efnilegur alhliðahestur í eigu Braga og Hildar í Efri - Gegnishólum.

 Þröstur frá Efri - Gegnishólum, knapi Elin Holst, Mynd: Gangmyllan 

Hér koma nokkrar myndir af Frama frá Ketilsstöðum, hann verður fimm vetra í vor og er undan Sveini Hervari frá Þúfu og Framkvæmd frá Ketilsstöðum. Frami er mikill töltari en verið er að kanna þessa dagana hvort hann búi yfir skeiði lika, en það var ekki til staðar í fyrra.  Hann á þrjú eldri systkini með 9,5 fyrir skeið, en Sveinn Hervar hefur nú gefið klárhesta að megninu til þannig að spennandi verður að sjá hvort hefur betur, Sveinn Hervar eða Framkvæmd.

         Frami frá Ketilsstöðum, knapi Elin Holst. Myndir: gangmyllan

Katla frá Ketilsstöðum er á fjórða vetur og er undan Ljónslöpp frá sama bæ og Gaum frá Auðsholtsshjáleigu. Ljónslöpp er með heiðursverðlaun fyrir afkvæmi og er dóttir Snekkju og Odds frá Selfossi. Gaumur hlaut 8,18 í aðaleinkunn fjögurra vetra gamall, þ.a 9,0 fyrir tölt, vilji og fegurð í reið. Gaumur hlaut sinn hæsta dóm átta vetra gamall, 8,69.  þ.a 9,5 fyrir vilja og tölt og 9,0 fyrir brokk og fegurð í reið.

Katla frá Ketilsstöðum, knapi Bergur Jonsson, mynd: Gangmyllan 

Sylgja frá Ketilsstöðum er á fjórða vetur og er elsta afkvæmi Spesar frá sama bæ, faðir hennar er Natan frá Ketilsstöðum. Móðir Spesar er Þerna og faðir hennar er Sveinn Hervar frá Þúfu. Spes hlaut fyrstu verðlaun fimm vetra gömul og sex vetra gömul fékk hún 8, 20 í aðaleinkunn þar af 9,0 fyrir tölt, brokk, vilja og fegurð og 9,5 fyrir hægt stökk og stökk. Sveinn-Hervar frá Þúfu fékk 7,97 fimm vetra gamall og níu vetra gamall fékk hann sinn hæðsta dóm 8, 25 í aðaleinkunn, þ.a. 9,0 fyrir flest öll atriði í hæfileikum. Natan fékk sinn hæðsta dóm fimm vetra gamall 8,40, þ.a 9,0 fyrir tölt og fegurð í reið. Faðir Natans er Kolfinnur frá Kjarnholtum og móðir hans er Vænting frá Ketilsstöðum. Kolfinnur er með heiðursverðlaun fyrir afkvæmi og Vænting hlaut 8,12 í aðaleinkunn sjö vetra gömul og er dóttir heiðursverðlaunahryssunnar Hugmyndar frá sama bæ.

Sylgja frá Ketilsstöðum, knapi Elin Holst, mynd: Gangmyllan